«Мерейлі отбасы» ұлттық конкурсына өтінім қабылдау басталды
2022 жылғы 16 мамыр 14:34

«Мерейлі отбасы» ұлттық конкурсына өтінім қабылдау басталды

НҰР-СҰЛТАН. ҚазАқпарат - «Мерейлі отбасы» ұлттық конкурсына қатысуға өтінімдер қабылдау басталды, деп хабарлайды ҚазАқпарат ҚР Ақпарат және қоғамдық даму министрлігінің баспасөз қызметі.

«Қазақстан Республикасы Президентінің 2013 жылғы 6 желтоқсандағы № 250 өкіміне сәйкес Қазақстанда жыл сайын «Мерейлі отбасы» ұлттық конкурсы өткізіледі. Конкурс екі кезеңде өтеді: бірінші – аудандық (қалалық) кезең, екінші – облыстық (республикалық маңызы бар қала, астана) кезең. Конкурсқа қатысу үшін өтінімдерді қажетті құжаттармен қоса, арнайы нысан бойынша аудандық (қалалық) комиссияларға 2022 жылғы 15 маусымға дейін тапсыру қажет» делінген хабарламада.

Конкурсты ұйымдастырушылар – Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен Қазақстан Республикасы Ақпарат және қоғамдық даму министрлігі, жергілікті атқарушы органдар.



Jańalyqtar

MURAǴAT