+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Мемтапсырысқа бөлінген қаражат экономикамызға жұмыс істеуі тиіс – Дариға Назарбаева

2020 жылғы 11 ақпан 18:48
Бөлісіңіз:
Мемтапсырысқа бөлінген қаражат экономикамызға жұмыс істеуі тиіс – Дариға Назарбаева

НҰР-СҰЛТАН. ҚазАқпарат - Қазақстан Республикасы Парламенті Сенатының Төрағасы Дариға Назарбаева парламенттік тыңдауға дайындық барысында мемлекеттік қорғаныстық тапсырысты орналастыру мәселелері бойынша мемлекеттік орган өкілдерімен кездесу өткізді, деп хабарлайды ҚазАқпарат жоғары палатаның баспасөз қызметіне сілтеме жасап.

Ұқсас жаңалықтар
Министрлік медиаторларды даярлау ережесін қайта қарауды ұсынды Қазақстан мен Армения арасында ресми құжаттарды танудың оңайлатылған тәртібі белгіленді Сенатта пошта қызметтерін жеңілдетуге арналған құжат қабылданды

Жиынға ҚР Парламенті Сенатының депутаттары, қорғаныс ведомстволары, индустрия және инфрақұрылымдық даму, ұлттық экономика және еліміздің жеңіл өнеркәсіп саласының өкілдері қатысты.

Дариға Назарбаева елімізде өнім өндіруге барлық мүмкіндік барын алға тартты.

«Мәселе ресурстардың жетіспеуінде, жалпы аталған саланы дамытудағы мемлекеттік стратегия жеткілікті деңгейде ойластырылмаған. Сондай-ақ, біз ішкі нарықтың сапасыз өнімдерге толуына жайбарақат қараймыз», - деді ол.

«Qaz Textile Industry» директорлар кеңесінің төрағасы Бауыржан Жамалов мемлекеттік қорғаныстық тапсырыс және қорғаныс күші құрылымының сатып алу саласындағы жүйеленген проблемалар туралы айтты.

«Тапсырыс берушілер өнімді өндіруге жұмсалатын уақытты есептемей, оны аз уақытта жеткізу талабын қояды. Шикізаттан дайын өнім шығару уақытын ескермейді», - дейді ол.

Сондай-ақ, отырысқа қатысушылар мемлекеттік қорғаныстық тапсырыс алушылардың техникалық ерекшелік құрамындағы мәселелерді талқыға салды. Жеңіл өнеркәсіп өкілдері техникалық талаптардың көрсетілуі тиістігін және оны тапсырыс берген соң өзгертпеу керектігін айрықша айтып өтті. Одан бөлек, шикізат бойынша да кезек күттірмес мәселелер тұр.

«Мемлекеттік қорғаныс тапсырысына қатысты заңнама отандық өндірілген шикізатты қолдануды міндеттемейді», - деді Б. Жамалов.

Сенат басшысының айтуынша, мемлекеттік органдардың жеңіл өнеркәсіп саласы бойынша сатып алуға жұмсалатын бюджет қаражаты проблемасын кеңінен қарау маңызды. «Мемлекеттік тапсырыс туралы хабарландыру жариялап, оны арзан бағамен сатып алумен шектеліп, ішкі ведомстволық сұрақтарды ғана шешіп қоймау қажет. Мемлекеттік тапсырысқа бөлінген қаражат, біздің экономикамызға, өз кәсіпкерлеріміздің аяғына тік тұруына жұмыс істеуі тиіс. Яғни жаңа жұмыс орындарын ашып, отандық өнімдердің жандануына ықпал етуі қажет. Қазіргі нарықтағы отандық тауарлардың сапасы өте жақсы. Біздің мамандар ешкімнен кем емес, өз істерінің шебері», - деді Д. Назарбаева.


Сонымен қатар, жеңіл өнеркәсіп саласының өкілдері қазақстандық әскери қорғаныс күші құрылымдарының көбінесе импорттық матадан тігілген өнімдерді таңдайтынын мәлім етті.

Өз кезегінде Д. Назарбаева қорғаныс және әскер саласын азық-түлік және басқа да қажетті бұйымдармен тек отандық өндірушілердің қамтамасыз ету керектігін ерекше айтып өтті. «Бұл ұлттық қауіпсіздіктің ажырамас бөлігі. Ұлттық қауіпсіздік стратегиясы – ол өз азаматтарымызды отандық өніммен қамтамасыз ету. Ол үшін бізде барлық қажетті адами, материалдық және қаржылық ресурстар бар. Әзірге әр мекеменің қызығушылығы әртүрлі болып отыр», - дейді ол.

Сенат Төрағасы жеңіл өнеркәсіп өндірушілеріне күрделенген мәселелерді шешу мақсатында Үкіметпен бірлесіп, сала стандарты мен методологиясын реттеуді ұсынды.

Кездесуді қорытындылай келе, Парламент Сенатының Төрағасы Экономикалық саясат, инновациялық даму және кәсіпкерлік комитетіне жиында көтерілген мәселелерді зерттеп, Парламенттік тыңдауға әзірлеуді тапсырды.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT