+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Мемлекеттiк орман қоры аумағында 5 жылға дейін сексеуіл шабуға тыйым салынды

2019 жылғы 10 қаңтар 17:54
Бөлісіңіз:
Мемлекеттiк орман қоры аумағында 5 жылға дейін сексеуіл шабуға тыйым салынды

АСТАНА. ҚазАқпарат - «Мемлекеттiк орман қоры учаскелерiндегі сексеуiлді аумақтарда ағаш кесуге тыйым салу туралы» бұйрыққа өзгертулер енгізілді. Бұл туралы ҚазАқпарат ҚР АШМ орман шаруашылығы және жануарлар әлемі комитетінің баспасөз хатшысы Сәкен Ділдахметке сілтеме жасап хабарлайды.

Хабарланып отырғандай, «ҚР АШМ кейбір мәселелері» туралы Үкіметтің 2005 жылғы 6 сәуірдегі қаулысының 17-тармағының 376-тармақшасы бойынша жаңа бұйрық шықты. Ол бұйрыққа сәйкес, ҚР мемлекеттік орман қоры учаскелеріндегі сексеуіл аумақтарында ағаш кесудің барлық түріне 2023 жылғы 31 желтоқсанға дейін тыйым салынды.

«2017 жылы заң бойынша сауда орындарында сексеуілді сатуға тыйым салған болатынбыз. Жылдағы жағдай көрсетіп отырғандай, браконьерлік салдарынан сексеуілдің орман қоры азайып барады. Сондықтан, осындай түбегейлі қадамдарға бардық. Яғни, сатуға, сонымен қатар мемлекеттік орман учаскелерінде шабуға да тыйым салдық. Бірақ, сол бұйрыққа өзгеріс енгізген кезде еліміздің кейбір облыстарына табиғи ерекшелігі бойынша жеңілдік қарастырылды. Яғни, әр отбасына қыстан шығу үшін 25-40 текше сексеуіл аралығында лимит беріледі. Орман шаруашылықтары тек шіріген сексеуілді сата алады. Сатқанның өзінде мейрамханалар немесе дәмханалар сексеуілді құжатымен, шот-фактурасымен алуы керек», - деді Сәкен Ділдахмет ҚазАқпарат тілшісіне.

Біздің каналымызға жазылыңыз:

Басты сөздер: Экология, Заң, Қаулы, ҚР АШМ,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT