+7 (701) 759 90 19
USD 389.52 EUR 429.21
RUB 6.07 CNY 54.94
Jańalyqtar

Мемлекеттік қызметші нашар болса, жақсы заң көмектеспейді - Әлихан Бәйменов

2019 жылғы 20 қыркүйек 21:55
Бөлісіңіз:
Мемлекеттік қызметші нашар болса, жақсы заң көмектеспейді - Әлихан Бәйменов

АҚТӨБЕ. ҚазАқпарат - Мемлекеттік қызмет саласындағы өңірлік хаб басқарушы комитетінің басшысы Әлихан Бәйменов ақтөбелік мемлекеттік қызметшілермен кездесті, деп хабарлайды ҚазАқпарат тілшісі.

Ұқсас жаңалықтар
Мемқызметшілерге жұмыс орнында смартфон ұстауға рұқсат беру туралы Үкіметке ұсыныс енгізілмек Анар Жаилғанова мемқызметшілердің смартфонға рұқсаты, дауға қалғандар мен Президенттік жастар кадр резерві жайлы Президенттік жастар кадр резервінің екінші кезеңі өте ме

Ақтөбеге жұмыс сапарымен келген Әлихан Бәйменовпен кездесуге жас мемлекеттік қызметшілер жиналды. Мемлекеттік аппараттың ауысымдылығы, мемлекеттік қызметшілерге жалақы төлеудің жаңа жүйесі, Президенттік жастар кадр резервінің тиімділігі және дамыған елдердің мемлекеттік жүйедегі тәжірибесі жөнінде сұрақтар қойылды. Мемлекеттік қызметшілердің имиджі, келбеті және өзін-өзі ұстауы туралы мәселелер талқыға түсті.

«Мемлекеттік басқаруды футболмен теңеуге болады. Біз әрқайсымыз футболды түсінеміз деп ойлаймыз, футболшыларды сынаймыз. Мемлекеттік басқару да сол секілді. Әр азамат мемлекеттік басқарудың тетігін біледі. Бұл сіздер, яғни мемлекеттік қызметшілер үшін үлкен сынақ. Соған сіздер дайын болуларыңыз керек. Біздің талабымыз мемлекеттік қызметшінің өскелең қоғамға сәйкес алда жүруі. Заң жаман болып, мемлекеттік қызметші жақсы болса, мемлекетті басқаруға болады, ал мемлекеттік қызметші нашар болса, жақсы заң көмектеспейді», - деді Әлихан Бәйменов.

Кездесу барысында Әлихан Мұхамедияұлы мемлекеттік басқару тақырыбына тоқталып, мемлекеттік органдарда жиі өткізілетін жиналыстарды сынға алды. Оның айтуынша әлі күнге дейін жиналыстар көп өткізіледі, тақырыптары айқын емес, басшылардың уақыттарын алады.

«Бір адамның төрағалығымен өткен жиында көбіне әлгі кісі бастан-аяқ сөйлеумен болады, яғни, монолог. Одан бірінші кезекте соның өзі зардап шегеді. Өйткені пікір алмасу, қатысушылардың ұсыныс-ойын білу болмаған жағдайда жиынның нәтижесі аз. Ұрысып-жеку үшін жиналыс өткізетіндер де ешқандай пайда көрмейді, керісінше, оның жұмысы тұралап қалады. Ең алдымен шешім, одан шығатын қорытындыны ойлап барып, жиналыс өткізген дұрыс», — деді Ә. Бәйменов.


Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT