+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Мемлекет бюджетін Парламент бақылауы керек - «Ақ жол» партиясы

2020 жылғы 20 қараша 11:57
Бөлісіңіз:
Мемлекет бюджетін Парламент бақылауы керек - «Ақ жол» партиясы

НҰР-СҰЛТАН. ҚазАқпарат – «Ақ жол» демократиялық партиясының төрағасы Азат Перуашев партия филиалдарын әкімдердің басқаруын сынға алды, деп хабарлайды ҚазАқпарат тілшісі.

Ұқсас жаңалықтар
«Ақ жол» партиясы президенттік жүйеден парламенттік республикаға көшуді ұсынды Қазақ Республикасының атауын қайтару керек - Азат Перуашев Қазақ еліне Алаштан артық идея жоқ – «Ақ жол» партиясының сайлауалды бағдарламасы

«Билік партиясының филиалдарын әкімдер басқаратын практикадан арылу керек, тіпті оған заң жүзінде тыйым салу керек. Бұл – билікті монополияландырудың ең айқын мысалы. Әкімдер шенеуніктердің жеке мүдделеріне емес, бүкіл қоғамға қызмет етуі керек», - деді Азат Перуашев партия құрылтайында.

Сонымен бірге, партия төрағасы Парламент пен мәслихаттардың бақылау функцияларын кеңейту қажеттігін, ең алдымен, оларға қоғамдық резонанс тудырған азаматтық құқықтар мен бостандықтардың бұзылуы, адамдардың қаза болуы немесе биліктегі сыбайлас жемқорлық фактілері сияқты оқиғаларды парламенттік тергеу құқығын беру керек деп есептейді.

«Мемлекет бюджетін бекіту мен бақылаудағы Парламент өкілеттіктерін күшейту қажет. Кез келген міндеттерді шешудегі мемлекет мүмкіндіктері бюджетпен айқындалады. Бірақ елдегі мемлекеттік қаражаттың басым бөлігі бюджеттен тыс және қоғамнан жасырын түрде жұмсалады. Дәл сол жерде жүйелі бұзушылықтар болады, сыбайлас жемқорлық жайлайды. Сондықтан барлық мемлекеттік қаржыны Парламенттің бақылауына қайтару – маңызды міндет», - деді А. Перуашев.

Айта кетейік, «Ақ жол» демократиялық партиясының XVI сайлауалды құрылтайында партияның сайлауалды бағдарлама жобасы ұсынылды. Партия төрағасы Азат Перуашев бағдарламадағы ең негізгі басымдық – Тәуелсіздік және Алаш ұлттық идеясы екенін атап өтті.

Сонымен бірге, «Ақ жол» демократиялық партиясы Қазақ Республикасы атауын қайтаруды және президенттік жүйеден парламенттік республикаға көшуді ұсынды.




Біздің каналымызға жазылыңыз:

Бөлісіңіз:

Автор:

Айжан Серікжанқызы

Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059
REDAKTOR
Үмбет Шолпан
Үмбет Шолпан
954-059

MURAǴAT