15:40, 17 Қыркүйек 2019 | GMT +6
Мемлекет басшысы «Урожай» ЖШС агроөнеркәсіп кешенінде болды
АҚМОЛА ОБЛЫСЫ. ҚазАқпарат - Мемлекет басшысы «Урожай» жауапкершілігі шектеулі серіктестігінің агроөнеркәсіп кешенінде болды, деп хабарлайды Ақорданың баспасөз қызметі.
Қасым-Жомарт Тоқаевқа компанияның қызметі, диірмен кешенінің, элеватордың, комбикорм зауытының және нан-тоқаш өнімдерін шығару жөніндегі өндіріс нысандарының жұмысы туралы мәлімет берілді.
Қазақстан Президентіне агрокәсіпорнында қуаты жөнінен жылына 12000 тонна түрлі жармалар мен жылдам дайындалатын сұлы қауыздарын өндірудің жаңа технологиялық үдерісі, сондай-ақ дайын өнімнің үлгілері көрсетілді.
Мемлекет басшысы аграрилердің назарын мемлекет бөлген ауыл шаруашылығы субсидияларын тиімді пайдалану қажеттігіне аударды.