Қолданушы баптаулары
Қолданушы баптаулары
+7 (701) 759 90 19 Лента
USD 377.62 EUR 426.03
RUB 5.67 CNY 55.78
Jańalyqtar

Мемлекет басшысы Шымкент қаласының әкімін қабылдады

2019 жылғы 13 ақпан 18:26 568
Бөлісіңіз:
Мемлекет басшысы Шымкент қаласының әкімін қабылдады

АСТАНА. ҚазАқпарат - Нұрсұлтан Назарбаев Шымкент қаласының әкімі Ғабидолла Әбдірахымовты қабылдады, деп хабарлайды Ақорда.

Ұқсас жаңалықтар
Елбасы «Astana Group» компаниялар тобының президентін қабылдады Қазақстан мен Хорватия арасында тікелей әуе рейсі ашылады

Кездесу барысында Ғ.Әбдірахымов Шымкентке республикалық маңызы бар қала мәртебесін беру туралы шешім қабылдағаны үшін Мемлекет басшысына алғыс айтып, 2018 жылдың қорытындысы бойынша барлық макроэкономикалық көрсеткіштердің жақсы екенін атап өтті.

«Өткен жылы 17 мыңнан астам жаңа жұмыс орны ашылды. Орташа жалақы мөлшері 6,6 пайызға өсіп, 113 700 теңгеге жетті. Ал, жан басына шаққандағы орташа кіріс көлемі 19 пайызға артып, 60 427 теңгені құрады. Сіздің тапсырмаларыңызды орындау мақсатымен тұрғындар үшін жылудың тарифі 19 пайызға, судың тарифі 10 пайызға, газдың тарифі 5,8 пайызға және электр қуатының тарифі 6,8 пайызға төмендетілді», - деді қала әкімі.

Қазақстан Президенті берілген мәліметтермен танысқан соң, өңір әкімдері халықты әлеуметтік тұрғыдан қорғау, білім беру, денсаулық сақтау, коммуналдық қызметтердің тарифтерін реттеу, жолдардың сапасы, аулаларды абаттандыру, көшелерді жарықтандыру, қоғамдық қауіпсіздік, ауыз сумен және электр энергиясымен қамтамасыз ету, сондай-ақ қоғамдық көлік пен коммуналдық қызмет көрсету мекемелерінің жұмыстары жөніндегі мәселелерді әрдайым бақылауда ұстау керектігін айтты.

Мемлекет басшысы бұл мәселелер Қазақстан Президенті Әкімшілігінің ерекше бақылауында екенін атап өтті. 

 

 

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT