13:03, 02 Қыркүйек 2019 | GMT +6
Мемлекет басшысы оқулық сапасының төмендігін сынады
НҰР-СҰЛТАН. ҚазАқпарат - Оқушыларды сапалы оқулықтармен қамтамасыз ету тиісті министрліктің тікелей міндеті. Бұл туралы бүгін Қазақстан халқына Жолдауында Мемлекет басшысы Қасым-Жомарт Тоқаев мәлім етті, деп хабарлайды ҚазАқпарат тілшісі.
«Тағы бір өзекті мәселе - бұл оқулық сапасының төмендігі. Оқушыларды сапалы оқулықтармен қамтамасыз ету тиісті министрліктің тікелей міндеті. Мұғалімдер мен оқытушылардың әлеуметтік жағдайын жақсартпасақ, бұл шаралар жүзеге аса қоймайды», - деді Мемлекет басшысы.
Қазақстан Президенті сондықтан Тамыз конференциясында алдағы 4 жыл ішінде мұғалімдердің еңбекақысын 2 есе арттыруды тапсырғанын еске салды.
«Бұл келесі жылдан бастап ұстаздардың жалақысы 25 пайызға өседі деген сөз», - деді Тоқаев.