+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Мемлекет басшысы Нұр-Сұлтан қаласындағы №103 қалалық емханаға барды

2021 жылғы 18 маусым 15:41
Бөлісіңіз:
Мемлекет басшысы Нұр-Сұлтан қаласындағы №103 қалалық емханаға барды

НҰР-СҰЛТАН. ҚазАқпарат - Қасым-Жомарт Тоқаев алғашқы жәрдем және консультациялық-диагностикалық көмек көрсетуге арналған заманауи медициналық құралдармен жабдықталған кабинеттерді аралады, деп хабарлайды ҚазАқпарат Ақордның ресми сайтына сілтеме жасап.

Ұқсас жаңалықтар
Қазақстанда 5 275 626 адам КВИ-ге қарсы вакцинаның 1-ші компонентін салдырды Қазақстанда өткен тәулікте коронавирус пневмониясынан 16 адам қайтыс болды Қазақстанда өткен тәулікте 5814 адам коронавирустан жазылды

Емханада рентгенография, маммография, флюорография, ЛОР-комбайн, сараптамалық деңгейдегі ультра-дыбыстық зерттеу және басқа да медициналық аппараттар бар. Емхананың соңғы үлгідегі аппараттармен жабдықталуы ауруды дер кезінде анықтап, сапалы медициналық көмек көрсетуге мүмкіндік береді.

«Салауатты Астана» жауапкершілігі шектеулі серіктестігіне қарасты жаңа амбулаториялық-емханалық кешен бір ауысымда 500 адамды қабылдайды.

Мемлекет басшысына медициналық орталықта тіркелген тұрғындарға 23 сала бойынша алғашқы медициналық-санитарлық және консультациялық-диагностикалық көмек көрсетілетіні туралы айтылды. Сондай-ақ ересектер мен балаларға оңалту қызметтері көрсетіледі. 150 орындық күндізгі стационар жұмыс істейді.

Президент медициналық орталықтың ұжымына жедел жәрдем көлігін алуға сертификат табыстады.

Қазіргі таңда елордада 180 мың адам коронавирусқа қарсы екпенің бірінші компонентін алған. 128 мыңнан астам азамат екпенің екінші компонентін салдырды. Еңбек ұжымдарын вакциналау белсенді жүргізіліп жатыр.

Ұжымдық иммунитетті қалыптастыру үшін 650 мыңнан астам адамға немесе қала тұрғындарының 60 пайызына екпе егу жоспарлануда.

Алғашқы медициналық-санитарлық көмек көрсету ұйымдарындағы вакциналау пункттері 100-ге дейін көбейді, сондай-ақ, сауда және ойын-сауық орталықтарында қосымша 8 пункт қызмет көрсетеді.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT