12:41, 14 Қараша 2019 | GMT +6
Мемлекет басшысы: Мұғалімдер наразылығына таңғалудың қажеті жоқ
КӨКШЕТАУ. ҚазАқпарат – Президент Қасым-Жомарт Тоқаев Білім және ғылым министрлігі мен жергілікті атқарушы органдарға мұғалімдерді қолдау керектігін ескертті, деп хабарлайды ҚазАқпарат тілшісі.
«Мұғалім - білім беру жүйесінің негізі. Балаларымыздың білім деңгейі - осы салаға жасалған жағдайға тікелей байланысты болмақ. Сондықтан, мұғалімдердің наразылығына таңғалудың қажеті жоқ», - деді Қасым-Жомарт Тоқаев Ақмола облысын дамыту мәселелері жөніндегі кеңесте.
Осы мәселеге байланысты Президент Білім және ғылым министрлігі мен Жергілікті атқарушы органдарға мұғалімдерді шынайы тұрғыда қолдау керек екенін ескертті.