+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Мемлекет басшысы Кіші Аралдың тағдырына алаңдаушылық білдірді

2019 жылғы 14 мамыр 13:44
Бөлісіңіз:
Мемлекет басшысы Кіші Аралдың тағдырына алаңдаушылық білдірді

ҚЫЗЫЛОРДА. ҚазАқпарат - Президент Қасым-Жомарт Тоқаев Үкімет пен Қызылорда облысының әкімдігіне Кіші Аралдан айырылып қалмау шараларын қолға алуды тапсырды. Бұл туралы ҚазАқпарат Ақорданың Twitter-дегі аккаунтына сілтеме жасап хабарлайды.

«Халық Арал тағдырына алаңдайды. Елбасының бастамасы бойынша «Сырдария арнасын реттеу және Арал теңізінің солтүстік бөлігін сақтап қалу» жобасы іске асырылуда. Осы жобаның және Көкарал бөгетінің арқасында Кіші Аралдағы су қалпына келді», - деді Қ.Тоқаев Қызылорда өңірінің жұртшылығымен кездесу барысында.

Бұл ретте, Мемлекет басшысы Кіші Аралдың алдағы тағдырына алаңдаушылық білдірді.

«Мәселелер мұнымен шектелмейді. Көкарал бөгетінің төменгі жағын Сырдария ағыны бұзып жатыр. Дереу қолға алмасақ, Кіші Аралдан айырылып қалуымыз мүмкін. Осы уақытқа дейін жиналған 27 млрд текше метр су зая кетпеуі керек. Үкімет пен әкімдікке шаралар қабылдауды тапсырамын», - деді Президент.

Сондай-ақ Қ.Тоқаев ауылдық жерлердегі инфрақұрылымды жаңғырту мәселесіне назар аударды. «Жергілікті жолдар, су құбырлары, электр желілері, мәдени-спорттық кешендер - барлығы жаңаруы қажет. Аталған бағытта облыс басшылығы жоба жоспарларын дайындауы тиіс», - деді ол.

Ал бизнесті қолдау шараларына қатысты айта отырып: «Кәсіпкерлерді одан әрі демеу үшін жаңа кәсіпорындарға 3 жылдық инвестициялық салық несиелерін ұсынамыз. Бұл бастама оларға нарықта орнығып, бизнесінің іргесін нығайтуға мүмкіндік береді», - деді.

Еске салайық, бүгін Мемлекет басшысы жұмыс сапарымен Қызылорда облысына келді. Онда облыстық көпбейінді балалар ауруханасына және «Жан-Арай» ЖШС-ға барды. Сондай-ақ қаланың сол жағалауында пайдалануға берілген нысандармен танысты.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT