Мемлекет басшысы грек-рим күресі федерациясының президенті Дәулет Тұрлыхановты қабылдады
2022 жылғы 22 маусым 19:18

Мемлекет басшысы грек-рим күресі федерациясының президенті Дәулет Тұрлыхановты қабылдады

НҰР-СҰЛТАН. ҚазАқпарат - Мемлекет басшысы Қазақстан грек-рим, еркін және әйелдер күресі федерациясының президенті Дәулет Тұрлыхановты қабылдады, деп хабарлайды ҚазАқпарат Ақорданың ресми сайтына сілтеме жасап.

Кездесу барысында Дәулет Тұрлыханов Қасым-Жомарт Тоқаевқа федерацияның бұқаралық және кәсіби спортты дамыту, Дене шынықтыру және спорт саласын өркендету жөніндегі мемлекеттік бағдарламаны жүзеге асыру үшін қабылдап жатқан шаралары, сондай-ақ балуандардың 2024 жылы өтетін Жазғы олимпиада ойындарына дайындығы туралы баяндады.

Сонымен қатар кездесуде жастардың өзекті мәселелеріне, соның ішінде оларды бұқаралық спорт түрлеріне тартуға, өңірлерде спорт инфрақұрылымдарын дамытуға баса мән берілді.

Осы ретте Мемлекет басшысы аймақтарда жазғы және қысқы спорт түрлерін ілгерілету жұмыстарын күшейту қажет екенін айтты.


Ұқсас жаңалықтар

Jańalyqtar

Үрдіс

MURAǴAT