+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Мемлекет әлеуметтік міндеттемелерді орындау үшін қаражатты қайдан алады

2020 жылғы 10 наурыз 11:43
Бөлісіңіз:
Мемлекет әлеуметтік міндеттемелерді орындау үшін қаражатты қайдан алады

НҰР-СҰЛТАН. ҚазАқпарат – Мемлекет халық алдындағы әлеуметтік міндеттемелерін орындау үшін қаражат көзін қайдан алады? Бұл сұраққа Ұлттық экономика министрі Руслан Дәленов жауап берді, деп хабарлайды ҚазАқпарат тілшісі.

«Мемлекеттің әлеуметтік міндеттемелеріне шығаратын шығындары туралы айтар болсақ, бұл ретте ең алдымен кейбір шығындарды оңтайландыруға қатысты тиісті тапсырма бар. Инвестициялық жобалардың кейбірін келесі жылға ысыруымыз мүмкін. Яғни биылға жоспарланған кейбір жобаны бастамай-ақ қоюға да болады. Келесі қаражат көзі – өткен жылдың қорытындысы бойынша артылып қалған кассалық қалдықтар. Оның көлемі үлкен болмаса да баршылық. Сонымен бірге қаражат тартудың тағы бір амалы - бюджет дефициті болмақ. Себебі әдістеме бойынша дефицит көлемі ЖІӨ-нің 3 пайызына дейінгі мөлшерде болуы керек. Аз көлемдегі дефицит те резерв екенін ескеру керек», - деді Руслан Дәленов Үкімет отырысында өткен баспасөз мәслихатында.

Министрдің айтуынша, сонымен қатар бюджеттің табыс түсетін бөлігін де әлеуметтік міндеттемелерді орындауға жұмсау көзделген.

«Мемлекет басшысының тапсырмасы бойынша шағын және орта бизнес табысқа түсетін салықтан биылдан бастап босатылады. Бұл – сипаты жағынан дағдарысқа қарсы шара. Мұның өзі де отандық бизнесті сыртқы конъюктураның ықпал етуімен біздің экономикада болып жатқан құбылмалылықтан қорғайды», - деді министр.

Еске сала кетсек, бүгінгі Үкімет отырысында Ұлттық экономика министрі Руслан Дәленов мемлекет әлеуметтік міндеттемелерін толық көлемде қаржыландыратынын мәлім еткен еді.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Айдар Оспаналиев
Айдар Оспаналиев
954-059

MURAǴAT