+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Мемқызметтер көрсетуде 100 мыңнан астам бұзушылық анықталды

2020 жылғы 9 қыркүйек 17:20
Бөлісіңіз:
Мемқызметтер көрсетуде 100 мыңнан астам бұзушылық анықталды

НҰР-СҰЛТАН. ҚазАқпарат – Бүгін Мемлекеттік қызмет істері агенттігінде мемлекеттік көрсетілетін қызметтер сапасының маңызды мәселелеріне арналған бейнеконференция байланысы арқылы жиналыс өтті, деп хабарлайды ҚазАқпарат тілшісі.

Ұқсас жаңалықтар
Семейде екі мыңнан астам мемқызметшіге баспана алу үшін 1,5 млн теңге беріледі

Аталмыш агенттіктің хабарлауынша, басқосуға Агенттік төрағасының орынбасары Д.М. Жазықбаев, орталық мемлекеттік және жергілікті атқарушы органдардың, қоғамдық және үкіметтік емес ұйымдардың, «Ұлттық ақпараттық технологиялар» АҚ, «Азаматтарға арналған үкімет» мемлекеттік корпорациясы КЕАҚ өкілдері қатысқан.

Жиналыс барысында бұзушылықтарды өзіндік анықтауы және алдын алуы, әкімшілік кедергілер, карантин кезіндегі мемлекеттік қызметтерді көрсету бойынша жұмыстың нашар ұйымдастырылуы, заңсыз делдалдық қызмет көрсету, ақпараттық жүйелердегі техникалық олқылықтар, «электрондық үкімет» порталындағы қолжетімсіз қызметтер бойынша орталық мемлекеттік және жергілікті атқарушы органдардың тиімсіз жұмысы қарастырылды.

Тізілімге сәйкес 87,6% (694 қызметтің 608 түрі) электрондық түрде көрсетілуі тиіс. Алайда, Агенттік 68 қызметтің қолжетімсіздігін анықтады (БҒМ – 13, Қаржымині – 13, Еңбекмині – 11, АШМ – 8, ЭГТРМ – 5, Қорғанысмині – 4, ІІМ – 4, Әділетмині – 2, ДСМ – 2, ҰЭМ – 2, ИИДМ – 1, МСМ – 1, Энергетикамині – 1, ЖС – 1). Мемлекеттік органдардың қысқа мерзімде электрондық қызметтерін порталда, оның ішінде «Тыңдау» жобасы аясында түскен қолжетімділігін қамтамасыз ету туралы Агенттік басшысының орынбасары Дархан Жазықбаев атап өтті.

Агенттіктің Мемлекеттік көрсетілетін қызметтер департаментінің директоры Ильдар Уйсумбаев жиналыс барысында сөйлеген сөзінде орталық мемлекеттік және жергілікті атқарушы органдар мемлекеттік қызметтер саласындағы бұзушылықтардың пайда болу себептері мен жағдайларын жою бойынша жүргізілген жұмыс өз деңгейінде болмағанын атап өтті. Нәтижесінде былтырғы жылдың осы кезеңімен салыстырғанда биылғы жылдың басынан бастап қызмет көрсетушілер жіберген бұзушылықтар саны 35% артты (2020 жыл – 103 мың, 2019 жыл – 65 мың).

Сондай-ақ, мемлекеттік органдардың мемлекеттік қызметтерді көрсету кезінде қағазбастылық пен әкімшілік кедергілер жасау, жергілікті жердегі мемлекеттік қызметшілер қашықтықтан жұмыс жасау режиміне толыққанды көшуді қамтамасыз етпегендігі туралы фактілері атап өтілді, осыған байланысты, мемлекеттік қызметтерді көрсету мерзімдері бұзылды, мемлекеттік қызметтерді көрсету тәртібін реттейтін бірыңғай нормативтік құқықтық актілерді уақтылы қабылдау мен күшін жою орын алды.

Жиналыс соңында орталық мемлекеттік және жергілікті атқарушы органдарға, «ҰАТ» АҚ, Мемлекеттік корпорацияға анықталған бұзушылықтарды жою бойынша, мемлекеттік қызметтерді көрсету сапасын арттыру бойынша жұмыстарды күшейту, сондай-ақ халықпен кері байланыс жасау және әлеуметтік желілерде оларға жедел әрекет ету бойынша нақты ұсынымдар берілді.



Біздің каналымызға жазылыңыз:

Бөлісіңіз:

Автор:

Қанат Мәметқазыұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT