USD 434.84 EUR 498.2
RUB 5.72 CNY 68.47
Jańalyqtar

Мектептен кейін оралмаған: Атырауда жоғалған 9 жасар қыз табылды

2021 жылғы 8 желтоқсан 20:41
Бөлісіңіз:
Мектептен кейін оралмаған: Атырауда жоғалған 9 жасар қыз табылды

АТЫРАУ. ҚазАқпарат – Атырауда жоғалып кеткен 9 жасар қыз табылды, деп хабарлайды ҚазАқпарат.

Ұқсас жаңалықтар
Эльвира Әзімова жаппай тәртіпсіздіктер кезінде жоғалғандар туралы пікір білдірді Семейде бүлікшілердің полицейлерге жасаған шабуылының видеосы жарияланды Қаралы қаңтар: Қызмет барысында қаза тапқандардың балаларына грант бөлінеді

Облыстық Полиция департаменті баспасөз қызметінің ақпаратына қарағанда, 9 жасар қыз кеше, 7 желтоқсанда жоғалып кеткен.

«Атырау қаласының тұрғыны Абзал Бөкеновтен 7 желтоқсанда сағат 19:31 шамасында Жедел басқару орталығына 2012 жылы туған жасөспірім қыздың жоғалып кеткені туралы хабар түсті. Бала «Нұрсая» шағынауданындағы орта мектепте екінші ауысымда оқыған. Бірақ, сабақтан кейін үйіне оралмаған. Осы дерекке байланысты полицейлер жедел іздестіруге кірісті. Патрульдік полиция қызметінің «Батыс-29» экипажы жоғалған жасөспірімді «Тұлпар» шағынауданындағы С.Бейбарыс көшесінің бойынан сол күні тауып, ата-анасына жеткізді», - дейді Атырау қалалық полиция басқармасы бастығының міндетін атқарушы Ерлан Биғамбаев.

Жасөспірімнің айтуына қарағанда, мектептен шыққан соң достарымен ойнап жүріп, өзі тұратын шағынауданнан алыстап кеткен.

«Жоғалған жасөспірімді іздеуге учаскелік полиция инспекторлары мен патрульдік полиция қызметкерлері жұмылдырылды. Жасөспірімнің фотосуреті мен бағыттама сол шағынаудандағы пәтер иелерінің кооперативтері ашқан WhatsApp чаттарына жедел таратылды. Сондай-ақ, шағынаудандағы бейнекамералар арқылы көшедегі қозғалысқа бақылу жүргізілді. Жедел іздестірудің нәтижесінде жасөспірім аман-есен табылды», -дейді Ерлан Биғамбаев.

Еске сала кетелік, бұған дейін Атырау облысында мал іздеуге шыққан ер адам жоғалып кеткенін жазған едік.


Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT