+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

Мектеп түлегінің өлімі: Екі жігіт арасындағы жанжал би алаңында басталған

2018 жылғы 4 қыркүйек 12:47
Бөлісіңіз:
Мектеп түлегінің өлімі: Екі жігіт арасындағы жанжал би алаңында басталған

АҚТӨБЕ. ҚазАқпарат - Ақтөбе облыстық қылмыстық істер жөніндегі мамандандырылған ауданаралық сотында мектеп түлегіне қатысты сот отырысы басталды. Би алаңында бір-бірінің аяғын басып кеткен мектеп түлектері кейін мәселені жеке шешкен, деп хабарлайды ҚазАқпарат тілшісі.

Ақтөбеде екі мектеп түлегі арасындағы өзара келіспеушілік өліммен аяқталды. Бұған дейін хабарлағанымыздай, пышақ жарақатынан №19 орта мектеп түлегі Азат Дүсіпов аурухананың жансақтау бөлімінде қаза тапты. Ал бүгін негізгі сот отырысы басталып, прокурор Азамат Байболатов айыптау қорытындысын оқыды. Оқушылар арасындағы жанжал би алаңында басталған.

«2018 жылдың 17 маусымында сағат 21:00 шамасында кәмелетке толмаған Б.Кеңшілік өзінің танысы Әлібековаға қоңырау соғып, кездесуге келіседі. Айыпталушы Б.Кеңшілік өзінің Бақтияр есімді сыныптасымен бірге Ақжар-2 ауылындағы үйінен шығады. Көшеде келе жатып, жиналмалы пышақты тауып алады. Қалтасына салып алып, Ардагерлер үйі аялдамасының қасына келіп, қыздармен кездеседі. Сағат 22:30 шамасында қыздар үйіне қайтпақ болып, жігіттер шығарып салады. Сол жерде демалыс базасындағы би алаңында бір-бірінің аяғын басып, жанжалдасып қалған Азат Дүсіповты кездестіреді. Олар сол кезден бері бір-біріне деген араздықта жүрген. Кездескен кезде А.Дүсіпов Бекназ Кеңшілікті талдардың арасына апарып, төбелеседі. Басқа достары мен қыздар екеуінің әңгімесіне араласпаған. А.Дүсіпов өзінің аяғын басып кеткен Б.Кеңшілікті бөлек шығарып алған соң балағаттап, ұрған»,- деді мемлекеттік айыптаушы Азамат Байболатов.

Іс материалына сүйенсек, төбелес кезінде айыпталушы Б.Кеңшілік қолындағы пышақты сілтеп қалады. Салдарынан жәбірленуші А.Дүсіповтың жүрегі мен өкпесі жараланып, көп қан жоғалтады. Сол күні А.Дүсіпов облыстық балалар ауруханасының жансақтау бөлімінде таңғы сағат 5:35-те көз жұмды. Ал айыпталушы Б.Кеңшілік оқиға орнынан кетіп, үйіне барған.

Сондай-ақ, айыпталушы көзіне жас алып, қаза болған А.Дүсіповтың ата-анасынан кешірім сұрады.

«Азаттың ата-анасы және туыстары, шын жүрегіммен, басымды иіп сіздерден кешірім сұраймын. Жасаған қылмысымды және сіздердің алдыңыздағы кінәмды ешқашан жуып-шая алмаймын. Бірақ менде Азатты өлтіру түгілі, оған ауыр жарақат келтіру туралы ойым болмады. Жасаған қылмысымды мойындаймын, бірақ ол қасақана емес. Жазамды өтеуге дайынмын, бірақ бәрі әділетті болуы тиіс»,- деді айыпталушы Бекназ Кеңшілік.

Айта кетейік, қазіргі уақытта Қылмыстық кодекстің «Адам өлтіру» бабының екінші тармағы бойынша іс қозғалды. Сот отырысы жалғасып жатыр.

Біздің каналымызға жазылыңыз:

Басты сөздер: Ақтөбе облысы, Сот, Оқиға,
Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT