Мексикалық боксшы Хайме Мунгия Геннадий Головкинмен жекпе-жектің уақытын атады

НҰР-СҰЛТАН. ҚазАқпарат Мексикалық боксшы Хайме Мунгия (37-0, 30 КО) кезекті айқасын кіммен өткізгісі келетіндігін айтты. Оның қарсыластарының ішіндегі бастыларының бірі Геннадий Головкин болмақ, деп хабарлайды ҚазАқпарат Sports.kz сайтына сілтеме жасап.

«Хайме Мунгия кеше мені Габриэль Росадоның өзінің келесі қарсыласы болатынын күтіп отырғанын айтты. Мунгиа келесі жылы Геннадий Головкинмен жекпе-жек өткізуден үмітті, бірақ «Канелоға» баса назар аударады», - деп жазды « Атлетик» журналисі Ланс Пугмир Twitter-де.

Естеріңізге сала кетейік, қазақстандық боксшы Геннадий Головкин (41-1-1, 36 КО) IBF және IBO нұсқасы бойынша орта салмақта әлем чемпионы. Ал Мунгияға келетін болсақ, ол 160 фунтта WBO Inter-Continental титулының иегері.

Бұған дейін Геннадий Головкин мен Риота Мурата арасындағы жекпе-жек Рождество күні (28 желтоқсан) өтеді деп хабарланған болатын.