Мексикада 14 полицейді өлтіріп кетті

НҰР-СҰЛТАН. ҚазАқпарат – Мексиканың батысындағы Мичоакан штатында қаскөйлер полицияға шабуыл жасап, кем дегенде 14-ін өлтірген. Бұл туралы Мексиканың қоғамдық қауіпсіздік министрлігі Twitter парақшасында мәлімдеді, деп хабарлайды ҚазАқпарат.

Ұқсас жаңалықтар

Өскеменде жоғалып кеткен жасөспірім табылды

Нұр-Сұлтанда ер адам әйелін өлтіріп, артынан өзіне қол жұмсаған Батыс Қазақстанда жол оқиғасынан бір адам қаза тапты Алматыда автобус қаққан әйел оқиға орнында мерт болды

«Миленио» газетінің жазуынша, қарулы қылмыскерлер соттың ордерімен Агилилья муниципалитетіне келген тәртіп сақшыларын торуылдаған.

Хабарларға қарағанда, тағы үш полицей жараланып, хал үстінде жатыр. Бұдан тыс, алты полицей хабар-ошарсыз кетті деп жарияланды.

Шабуылдағандар жол талғамайтын бронды автокөлікте болған.

Мичоакан губернаторы Сильвано Ауреолес Конехо «бұл қырғынды жасағандар жазасыз қалмайды» деп уәде берді.