Мәжілісте жарақаттайтын қару-жарақты заңнамалық реттеу мәселелері талқыланады

АСТАНА. 28 мамыр. ҚазАқпарат - 29 мамырда Мәжілісте палата спикерінің қатысуымен «Жарақаттайтын қару: заңнамалық реттеу мәселелері» атты тақырыпта дөңгелек үстел өтеді. Жиынды Мәжілістің Заңнама және сот-құқықтық реформа комитеті ұйымдастырмақ. Бұл туралы Мәжілістің баспасөз қызметінен хабарланды.

Мәжіліс депутаттары алдында аталған мәселе бойынша Ішкі істер министрі Қалмұханбет Қасымов баяндама жасайды деп күтіледі. Бұдан бөлек, дөңгелек үстелде Бас прокурор орынбасары А.Кравченко, денсаулық сақтау вице-министрі Е.Байжүнісов пен Білім және ғылым министрінің орынбасары М. Әбеновтер баяндама жасайтын болады. Сонымен қатар, депутаттар «Қорамсақ» қару-жарақ қауымдастығының және Қазақстандағы күзетшілер қауымдастығы өкілдерінің де баяндамасын тыңдайды, «Ар» мен «Құқық», Орталық Азиядағы «Penal Reform International» секілді қоғамдық бірлестіктерінің өкілдері сөз сөйлейді.