+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Мәжілісте бюджет заңнамасын жетілдіру бойынша заң жобасы бірінші оқылымда мақұлданды

2020 жылғы 28 қазан 14:48
Бөлісіңіз:
Мәжілісте бюджет заңнамасын жетілдіру бойынша заң жобасы бірінші оқылымда мақұлданды

НҰР-СҰЛТАН. ҚазАқпарат – Парламент Мәжілісінде ҚР кейбір заңнамалық актілеріне бюджет заңнамасын жетілдіру мәселелері бойынша өзгерістер мен толықтырулар енгізу туралы заң жобасы бірінші оқылымда мақұлданды, деп хабарлайды ҚазАқпарат тілшісі.

Парламент депутаттары бастамашы болған заң жобасы бюджет заңнамасын жақсарту және бюджеттік рәсімдерді оңайлату, сондай-ақ бюджетаралық қатынастарды жетілдіру мақсатында әзірленген. Заң арқылы мемлекеттік тапсырма тетігін жетілдіру шеңберінде әкімшілердің мемлекеттік тапсырма нысанында орындалатын қызметтер құнының баға белгілеу әдістемесін бекіту көзделеді.

«Сонымен қатар көрсетілетін қызметтердің бір бөлігін қосалқы мердігерлік ұйымдарға беру бойынша шектеу белгіленеді. Бұдан басқа бюджетаралық қатынастар шеңберінде өңірдің әлеуметтік-экономикалық дамуына және оның инфрақұрылымын дамытуға жер қойнауын пайдаланушылардың аударымдарын облыстық мәслихат белгілеген кірістерді бөлу нормативтері бойынша есепке жатқызу ұсынылады», - деді заң жобасын оқыған депутат Омархан Өксібаев.

Сонымен бірге заң жобасында Бюджет кодексінен бюджет процесінде пайдаланылмайтын арнайы резервті және шартты түрде қаржыландырылатын шығыстарды белгілеу тетіктерін алып тастау көрсетілген. Жұмыс тобына келіп түскен ұсыныстар мүдделі министрліктер мен ведомстволар, үкіметтік емес ұйымдар өкілдерінің қатысуымен жұмыс тобының үш отырысында және Қаржы және бюджет комитетінің кеңейтілген отырысында қаралған. Парламент Мәжілісінің барлық комитеттері оң қорытындылар берген.


Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT