+7 (701) 759 90 19
USD 376.77 EUR 408.46
RUB 5.95 CNY 53.98
Jańalyqtar

Мәжілісмендер ғылыми жоба конкурстарын бастан-аяқ ашық өткізуді ұсынды

2020 жылғы 14 ақпан 17:42
Бөлісіңіз:
Мәжілісмендер ғылыми жоба конкурстарын бастан-аяқ ашық өткізуді ұсынды

НҰР-СҰЛТАН. ҚазАқпарат – Әділет министрлігіндегі ведомствоаралық комиссия отырысында «ҚР кейбір заңнамалық актілеріне ғылым мәселелері бойынша өзгерістер мен толықтырулар енгізу туралы» заң жобасы қаралды, деп хабарлайды ҚазАқпарат тілшісі.

Ұқсас жаңалықтар
Елімізде аграрлық ғылымды қаржыландыру тәртібін өзгерту ұсынылды АӨК саласында мониторинг, талдау және болжау орталығы құрылады Ақылбек Күрішбаев: Аграрлық салада ғалымдар азайып бара жатыр

«Бұл заң жобасы Мемлекет басшысының ғылымды қаржыландырудың ашықтығын қамтамасыз ету және ғылыми зерттеулердің сапасын арттыру тапсырмасын орындау мақсатында әзірленген. Яғни бұл құжаттың басты мақсаты – ғылым бойынша гранттық, бағдарламалық және мақсатты қаржыландырудың ашықтығын қамтамасыз ету, жемқорлыққа итермелеуі мүмкін нормаларды алып тастау. Бізде ғылыми-техникалық жұмыстың нәтижесін коммерциялаудың қаржыландыру механизмі заңнамалық тұрғыда толыққанды жазылмаған. Бұл кемшіліктерді осы заң жобасы арқылы реттеу көзделіп отыр. Яғни гранттық қаржыландырудың механизмі толығымен жазылады», - деді Парламент Мәжілісінің депутаты Жәмилә Нұрманбетова ведомствоаралық комиссия отырысынан кейін тілшілерге.

Мәжілісменнің айтуынша, заң жобасы арқылы ұлттық ғылыми кеңестің сапалы құрамын жасақтау да жоспарда бар.

«Жалпы конкурстар әділетсіз өтті деген сыңайдағы ғалымдардың шағымы бұған дейін айтылып келе жатыр. Сол себепті ашықтықты қамтамасыз ету үшін ұлттық ғылыми кеңестің шешімдері ашық дауыс беру жолымен әрі бекітілген бюджет аясында өткенін қалаймыз. Сонымен қатар заң жобасы конкурстарды жариялау, оған қатысу туралы өтінімдер және конкурс шешіміне дейінгі процестің толық барысын ашық ақпарат көздерінде жариялауды көздейді. Яғни бұл конкурсты жариялаған министрліктің сайтында бұл мәліметтің бәрі де ашық болуы тиіс», - дейді ол.

Жәмилә Нұрманбетова өз сөзінде кез келген адам Білім және ғылым министрлігінің сайтына кіріп, кімнің конкурсқа қатысқанын, кімнің жеңімпаз атанғанын біліп отыруы керектігін айтып өтті.

Білім және ғылым министрлігі Мәжіліс депутаттары ұсынған 42 норманың 29-ын қолдаған. 11 норманы қолдамағанымен, алдағы отырыстарда заң жобасы кеңінен талқыланбақ.


Біздің каналымызға жазылыңыз:

Басты сөздер: Парламент, Ғылым, Заң,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT