+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Мәжіліс төрағасы: Кез келген азамат ауылына интернеттің қашан келетінін біліп отыруы керек

2020 жылғы 3 маусым 11:11
Бөлісіңіз:
Мәжіліс төрағасы: Кез келген азамат ауылына интернеттің қашан келетінін біліп отыруы керек

НҰР-СҰЛТАН. ҚазАқпарат – Мәжіліс төрағасы Нұрлан Нығматулин кез келген азамат өз ауылына интернеттің қашан келетінін біліп отыруы керектігін мәлім етті, деп хабарлайды ҚазАқпарат тілшісі.

Ұқсас жаңалықтар

Айта кетсек, Мәжілісте бүгін ҚР-ның кейбір заңнамалық актілеріне ауылдық елді мекендерде интернеттің қолжетімділігін қамтамасыз ету мәселелері бойынша өзгерістер мен толықтырулар енгізу туралы заң жобасы қаралған болатын.

«Асқар Қуанышұлы (Цифрлық даму, инновациялар және аэроғарыш өнеркәсібі министрі Жұмағалиевқа) ауылдарға интернет тарту туралы ақпарат мемлекеттік құпияға жата ма? Жоқ десеңіз сіздің министрлігіңіз Индустрия және инфрақұрылымдық даму министрлігі секілді жұмыс жүргізе ала ма? Мәселен ол министрлік жұмысты реттеді. Яғни қазір кез келген азамат олардың ақпарат көзіне кіріп, қай жылы қандай жолдың жөнделетінін біле алады. Қазақстанның телекоммуникациялық картасының жұмысы да осындай болуы керек. Халық саны 250-ден асатын немесе аспайтын ауылдар туралы айтып жатырсыздар. Алайда ондай елді мекендегі адамдар өз ауылына интернет қашан келетінін білуі тиіс. Түсінікті ғой? Бұл ақпарат құпия емес пе?» - деп сұрақ қойды Асқар Жұмағалиевқа Нұрлан Нығматулин.

Бұл сұраққа «құпия емес» деп жауап берген министр маусым айының соңына дейін «Цифрлық картаны» әзірлеу жұмысы аяқталатынын жеткізді. Нұрлан Нығматулин өз кезегінде әріптестерін министрдің уәдесін ұмытпауға шақырды.

«Ол біздің алдымызда картаның жұмыс істеп тұрғанын жариялауы керек. Кез келген ауылдағы халық, кез келген азамат өз ауылына интернет қашан келетінін біліп отыруы тиіс», - деді Нұрлан Нығматулин.


Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанат Қапалбаева
Жанат Қапалбаева
954-059

MURAǴAT