Мәжіліс сайлауы: ОСК 27 ұйымды ұлттық байқаушы ретінде тіркеуден бас тартты

АСТАНА. ҚазАқпарат – Орталық сайлау комиссиясы алдағы Мәжіліс сайлауына 27 ұйымды ұлттық байқаушы ретінде тіркеуден бас тартты. Бұл туралы Орталық сайлау комиссиясының мүшесі Анастасия Щегорцова айтты, деп хабарлайды ҚазАқпарат тілшісі.

Бүгінгі таңда 27 коммерциялық емес ұйымды аккредиттеуден бас тартылды. Оның ішінде 19-ы филиалдар болып саналады. Яғни, жеке заңды тұлға болмағандықтан аккредиттеу талап етілмейді. Оның ішінде «Дауыс» қоғамдық бірлестігінің 14 филиалы, «Ұлы көш» қоғамдық бірлестігінің 1 филиалы бар. Сонымен қатар 8 ұйымды аккредиттеуден бас тартылды. Оның ішінде бесеуінің жарғысында сайлауды байқау жөніндегі қызмет белгіленбеген. Біреуінің қызметі тоқтатылған. Тағы бірінің өтініші бойынша қараусыз қалдырылды. Тағы бірі заңды тұлға саналмайды. Барлығы – 27», - деді Анастация Щегорцова ОСК отырысында.