Мәжіліс отырысы онлайн режимінде де таралатын болды - спикер Н. Нығматулин

АСТАНА. 30 мамыр. ҚазАқпарат - Парламент Мәжілісінің жалпы отырысы интернет арқылы тікелей онлайн режимінде де таралатын болды. Бұл туралы бүгін палатаның жалпы отырысында спикер Нұрлан Нығматулин мәлім етті.

«Осыған орай, интернет пайдаланушылар әр сәрсенбі сайын parlam.kz сайты арқылы біздің отырысымызды қарай алады. Бұл әрине біздің жұмысымыздың ашық және қолайлы болуына өз ықпалын тигізетін болады», - деді спикер Н. Нығматулин.