Мәжіліс микроқаржы және коллектор қызметтеріне қатысты заң жобасын қарайды

НҰР-СҰЛТАН. ҚазАқпарат - Бүгін Мәжіліс Спикері Нұрлан Нығматулиннің төрағалығымен Палата Бюросы өтіп, онда алдағы жалпы отырыстың күн тәртібі нақтыланды, деп хабарлайды ҚазАқпарат ҚР Парламентің Мәжілісінің баспасөз қызметіне сілтеме жасап.

Ұқсас жаңалықтар

Әр заң жобасын талқылаған кезде қоғамның пікірін ескеруіміз керек - Мәулен Әшімбаев

Мәжіліс өзге мемлекеттермен қарым-қатынаста Қазақстан мүддесін қорғайтын құжатты мақұлдады Жоспарға сәйкес халыққа қажетті заңдар қабылданады - Нұрлан Нығматулин ҚР Президенті: Мәжілістің жаңа құрамы халықтың әл-ауқатын жақсартуға баса көңіл бөлуі тиіс

Депутаттар қарауына бірінші оқылымда микроқаржылық және коллекторлық қызметті реттеу мәселелеріне қатысты заң жобасы ұсынылды.

Сонымен қатар ратификацияланатын заң жобалары да қарастырылған. Олар: Қазақстан Үкіметі мен Білім, ғылым және мәдениет мәселелері жөніндегі Біріккен Ұлттар Ұйымы (ЮНЕСКО) арасындағы ЮНЕСКО аясында мәдениеттерді жақындастыру халықаралық орталығын құру туралы, сондай-ақ, Қазақстан мен Грузия арасындағы халықаралық автомобиль қатынасы туралы келісімдер бар.

Екінші оқылымда депутаттар техникалық реттеу және жол жүрісіне қарасты заң жобаларын талқыламақ.

Алдағы жалпы отырыста дене шынықтыру мен спортқа қатысты заңнамалық жаңалықтарды талқылау жоспарлануда.

Күн тәртібінің жобасында мемлекеттік басқару деңгейлері арасында өкілеттіктерді қайта бөлу және отбасылық және гендерлік саясат мәселелеріне қатысты заң жобаларымен жұмысты жалғастыру ұсынылды.

Сонымен қатар Мәжіліс Еуразиялық экономикалық одаққа мүше мемлекеттердің темекі өнімдеріне акциздер саласындағы салық саясатын жүргізу қағидаттары туралы келісімді ратификациялау туралы заң жобасын жұмысқа алады.