Мәжіліс депутаттары қайғылы оқиғада қаза тапқандарды бір минуттық үнсіздікпен еске алды

НҰР-СҰЛТАН. ҚазАқпарат - Бүгін Палата Спикері Нұрлан Нығматулиннің төрағалығымен Бюро отырысы бір минуттық үнсіздікпен басталды, деп хабарлайды ҚазАқпарат.

«Мемлекет басшысы Қасым-Жомарт Кемелұлы Тоқаевтың 10 қаңтарда елімізде Жалпыұлттық аза тұту күні деп жариялануына орай, депутаттар қайтыс болғандарды бір минуттық үнсіздікпен еске алды»,-делінген ҚР Парламенті Мәжілісінің баспасөз қызметі таратқан ақпаратта.

«Мәжіліс Төрағасы Нұрлан Нығматулин барлық депутаттар атынан еліміздің бірқатар өңірлерінде болған қайғылы оқиғалардың салдарынан қаза тапқандардың жақындары мен туған-туыстарына қайғыларына ортақтасып, көңіл айтты.