+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Мәжіліс аппаратына жаңа басшы тағайындалды

2020 жылғы 26 қазан 12:49
Бөлісіңіз:
Мәжіліс аппаратына жаңа басшы тағайындалды

НҰР-СҰЛТАН. ҚазАқпарат - Бүгін Палата спикері Нұрлан Нығматулиннің төрағалығымен Мәжіліс бюросы өтті. Онда Палатаның алдағы жалпы отырысы күн тәртібінің жобасы нақтыланды, деп хабарлайды ҚазАқпарат төменгі палатаның баспасөз қызметіне сілтеме жасап.

Ұқсас жаңалықтар
«Ақ жол» партиясы президенттік жүйеден парламенттік республикаға көшуді ұсынды Алдағы сайлауда партиялар емес қазақ тілі жеңіске жетуі тиіс - Дәурен Қуат Үкімет «Nur Otan» фракциясы алдында сайлауалды бағдарламаның орындалуы туралы есеп берді

Мәжіліс алдағы жалпы отырыста экологиялық заңнама саласындағы заң жобаларының топтамасын қарайды.

Депутаттар бірінші оқылымда Экологиялық кодекстің жобасын ілеспе түзетулермен, Әкімшілік құқық бұзушылық туралы экология мәселелері бойынша кодексті заңнамалық өзгертулермен, сондай-ақ Салық кодексіне және экология мәселелері бойынша оны қолданысқа енгізу туралы заңға түзетулерді талқылайды.

Бірінші оқылымда депутаттарға бюджет заңнамасын жетілдіру мәселелері бойынша заңнамалық түзетулер жобасын қарау ұсынылады.

Сондай-ақ, өңірлердің әкімшілік-аумақтық құрылысын жетілдіруге қатысты заңнамалық жаңалықтар да енгізіледі.

Бұдан басқа, Палата қалдықтарды энергетикалық кәдеге жарату, су қорғау белдеулері және жүктерді теміржол көлігімен тасымалдау мәселелері бойынша заңнамалық түзетулер жобасына Сенат енгізген өзгерістер мен толықтыруларды қарайды.

Жалпы отырыста Палата бейінді комитеттері бірқатар жаңа заң жобаларын жұмысқа алды. Атап айтқанда, ЕАЭО шеңберіндегі айналысының тәртібі және мұндай өнімнің қауіпсіздігін қамтамасыз ету қағидалары туралы келісім. Сондай-ақ, ТМД-ға қатысушы мемлекеттердің автокөлік құралдарын жымқыруға қарсы күрестегі және оларды қайтаруды қамтамасыз етудегі ынтымақтастығы туралы келісімге түзету енгізетін заң жобасы бар.

Сонымен қатар Бюро отырысында Мәжіліс Төрағасы Нұрлан Нығматулин Палата аппаратының жаңа басшысы Дастан Махаевты таныстырды. Ол бұған дейін ҚР Индустрия және инфрақұрылымдық даму министрлігінің Индустриялық даму және өнеркәсіптік қауіпсіздік комитеті төрағасының орынбасары қызметін атқарған.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT