Қолданушы баптаулары
Қолданушы баптаулары
+7 (701) 759 90 19 Лента
USD 371.56 EUR 422.43
RUB 5.56 CNY 53.51
Jańalyqtar

Мажарстанда «Тұран» түркі халықтарының дүниежүзілік құрылтайы басталды

2018 жылғы 11 тамыз 04:07 195
Бөлісіңіз:
Мажарстанда «Тұран» түркі халықтарының дүниежүзілік құрылтайы басталды

БУДАПЕШТ. ҚазАқпарат - «Тұран» түркі халықтарының дүниежүзілік құрылтайына қатысушылар Мажарстан парламентінде қонақ болды, деп хабарлайды ҚазАқпарат. 

Мажарстанның халықтық жиынының вице-спикері Шандор Лежак Түркі құрылтайына келген қазақстандық делегация - ҚР Мәдениет және спорт министрлігінің жауапты хатшысы Қуатжан Уәлиев, халықаралық Түркі академиясының президенті Дархан Қыдырәлі және «ҚазАқпарат» ХАА бас директоры Асқар Умаровпен кездесті. 

Вице-спикер Шандор Лежак «Тұран» құрылтайы халықтарды біріктіріп, мәдени-гуманитарлық байланыс орнатуға мүмкіндік беретін маңызды шара екендігін атап өтті. 

Парламенттегі кездесуде Мажарстандағы «Мадияр Тұран» қорының жетекшісі, мажарлық антрополог Андраш Биро құрылтайдың тарихына тоқтала отырып, ауқымды шараның ұйымдастырылып келе жатқанына биыл 10 жыл толғанын еске сала кетті. Ол құрылтайды ұйымдастырудағы Қазақстанның қосқан үлесін сөз етті.

Кездесуден соң 30-дан астам түркі елдері өкілдерінің қатысуымен өткен Мажарстан парламентіндегі кеңейтілген жиында Шандор Лежак пен Андраш Биро сөз сөйлеп, «Тұран» халықтарының фестивалін ашық деп жариялады.  Сондай-ақ, ол түркі халықтарының басын қосатын құрылтайдың болашағына қатысты мәселелерді де сөз етті.

Айта кету керек, «Тұран» халықаралық құрылтайы екі жылда бір рет өткізіледі. Оған бүкіл Еуропа елдерінен 300 мыңнан астам турист жиналады.  


Мажарстанда «Тұран» түркі халықтарының дүниежүзілік құрылтайы басталды

Еске сала кетсек, құрылтайға қатысушылар Мажарстан астанасындағы Абай Құнанбаевтың ескерткішіне гүл шоқтарын қойды.

Біздің каналымызға жазылыңыз:

Басты сөздер: Түркі елдері, Еуропа,
Бөлісіңіз:
Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
MURAǴAT