Майкл Фелпс 22 дүркін олимпиада чемпионы атанды

АСТАНА. ҚазАқпарат - Америкалық жүзгіш Майкл Фелпс 2016 Олимпиадада кешенді жүзуде 200 метр қашықтықты еңсеріп, өз мансабындағы 22-ші олимпиадалық алтынды қанжығасына байлады.

Аты аңызға айналған жүзгіш финалда 200 метрлікті бір минут 54,66 секундта жүзіп өтті, деп хабарлады РИА Новости.

Екінші орын 1.56,61 нәтижесімен Жапония өкілі Косуке Хагиноға бұйырса, қоланы қытайлық спортшы Ван  Шуня (1.57,05) иеленді. Осы қашықтықта әлем рекордын орнатқан америкалық Райан Лохте (1.57,47) бесінші орынға тұрақтады.

Бұдан бұрын атақты америкалық жүзгіш Фелпс баттерфляй әдісімен 200 метрлік қашықтықта және еркін стиль эстафетасында жүзуден Олимпиада ойындарының екі алтынын еншілеген.

Фелпстің есебінда барлығы 26 медаль.

Фото: Александр Вильф