Мәскеуге жеткізілген 10 миллионға жуық медициналық қолғап қолданылған болып шықты

МӘСКЕУ. ТАСС-ҚазАқпарат – Мәскеуге коронавирустан қорғауға арналған 10 миллионға жуық қолданылған медициналық қолғапты жеткізу фактісі бойынша қылмыстық іс қозғалды.

Ұқсас жаңалықтар

ШҚО-да перзентханаларды жабдықтауға 5 млрд теңге бөлінеді

ДДСҰ Еуропалық бюросы пандемия кезінде гендерлік теңсіздіктің күшейгендігін мәлімдеді Қазақстанда 30 шетелдік фармацевтикалық өндіруші өз өндірісін жергіліктендіреді - Асқар Мамин Алматылық дәрігер COVID-19-дың балаларға әсерін айтты

Бұл туралы мәскеулік прокуратураның баспасөз қызметі мәлім етті, деп хабарлайды ҚазАқпарат ТАСС агенттігіне сілтеме жасап.

Агенттіктің хабарлауынша, шетелдік компания мен Жаңа Мәскеудегі коммерциялық ұйым арасында келісімшарт жасалған. Оған сәйкес компания Ресейде сату үшін бір реттік винилді қолғаптарды жеткізуі тиіс болған. Прокуратура мәлімдемесінде кедендік декларациялар негізінде 9,9 миллионнан астам бір рет қолданылатын қолғап жеткізілгені айтылған. Сондай-ақ, өнімдер мәлімделген сапаға сәйкес келмейтіні анықталды, қолғаптар бұрын қолданылған болып шықты.

Прокурорлық тексеру материалдары тергеу органдарына жіберілді. РФ ҚК 30-бабының 3-тармағы, 236-бабының 1- тармағы (санитарлық-эпидемиологиялық ережелерді бұзуға әрекет жасау) бойынша қылмыстық іс қозғалды. Прокуратура тергеу нәтижелерін бақылауға алды.