Мәскеуде Рахымжан Отарбаевтың 2 кітабының тұсауы кесілді
«Шыңғыс-ханның көз жасы» және «Бас» атты романдары «Художественная литература» баспасының бас редакторы Георгий Пряхиннің аудармасымен орыс тілінде жарық көрді. Бұл шараға мәскеулік жазушылар, тілшілермен қатар Қазақстанның Ресейдегі елшілігінің өкілдері және жазушының ұлы Ермерей Отарбаев қатысты.
Георгий Пряхин жиналған қауымға бұл жобаны Қазақстан Республикасының Ресей Федерациясының елшілігінің қолдауымен іске асырғанын жеткізіп, алғысын білдірді.
Айта кетелік, Отарбаевтың шығармалары тек қазақ және орыс тілінде ғана емес, сонымен қатар француз, қытай, араб, түрік, қырғыз және ағылшын тілдеріне аударылды.
Өз кезегінде, алғы сөз алған Қазақстанның Ресейдегі елшілігінің кеңесші-уәкілі Жанар Колбачаева жазушының мол мұрасы туралы айтты.
«Бір-біріміздің әдеби шығармаларымызбен танысу, өзара түсіністік пен достығымызды жақындата түседі. Өзге халықтың мәдениетімен танысу - ол адами құндылықтың ең жоғары деңгейіндегі байланыс. Рахымжан Отарбаев біраз халықтың мәдени қосушысы, әдеби көпірі бола білд»і, - деді Жанар Колбачаева.
Іс-шара осы кеште жиналған Рахымжан Отарбаевтың достары, әріптестерінің жазушы туралы естеліктерімен, жылы лебіздерімен жалғасты. Оқырманды шешендікке тәрбиелеп, халқымыздың асыл мұраларын игеріп, рухани тұрғыдан дами түсулеріне қызмет ететін құнды дүниелері дүйім жұртқа тарайды деген сенім сөздері естілді. Бұл жоба жаңаша негізінде ұсынған еңбектің идеяларды тәуелсіз еліміздің жарқын әдебиетін барша көркемдікпен шет елдердің оқырмандарына таныстыру және қазақ мәдениетінің болашағына қызмет еткізу орайында жасалған.
Рахымжан Отарбаев Қазақстан Жазушылар одағы басқармасының мүшесі, Қазақстанның Еңбек сіңірген қайраткері, түрлі халықаралық сыйлықтармен және «Құрмет», «Парасат» ордендерімен марапатталған.