+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Мәскеуде Қазақстан Елшісінің кубогі үшін шағын футболдан турнир өтті

2019 жылғы 28 қазан 12:11
Бөлісіңіз:
Мәскеуде Қазақстан Елшісінің кубогі үшін шағын футболдан турнир өтті

МӘСКЕУ. ҚазАқпарат – Мәскеуде Ресей Федерациясындағы Қазақстан Республикасы Елшісінің кубогі үшін шағын футболдан жыл сайынғы жастар турнирі өтті, деп хабарлайды «ҚазАқпарат» ХАА меншікті тілшісі.

Шараны Ресей Федерациясындағы «Халықаралық бағдарламалар орталығы» АҚ-ның және «Қазальянс» студенттік бірлестігінің қолдауымен Ресейдегі Қазақстан Елшілігі ұйымдастырды.

«Турнир Қазақстандағы Жастар жылына және екі ел арасындағы, соның ішінде Мәскеу қаласындағы студенттердің достық қарым-қатынасын нығайтуға арналды. Биылғы жылы спорттық бәсекеге бакалавриат пен магистратурада білім алып жүрген студенттер, астаналық әртүрлі жоғары оқу орындарынан 12 команда қатысты», - деді Ресейдегі Қазақстан Елшілігінің кеңесшісі Нұрболат Аңдасов.

Жарыстың қорытындысы бойынша бірінші орынды М.Ломоносов атындағы Мәскеу мемлекеттік университетінің, екінші орынды Г.Плеханов атындағы Ресей экономикалық университетінің командалары, үшінші орынды «МИСиС» Ұлттық зерттеу технологиялық университетінің «Авангард» командасы жеңіп алды.

Ресей Федерациясындағы «Халықаралық бағдарламалар орталығы» АҚ басшысы Асхат Әбдімырзаев Қазақстанның дипломатиялық өкілдігін «Болашақ» бағдарламасының стипендианттарына берген мүмкіндігі үшін алғыс білдірді.

Автор: Нарымбек Исмагулов

Біздің каналымызға жазылыңыз:

Бөлісіңіз:

Автор:

Біржанқызы Сабина

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT