+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Мәскеуде Қайдар Құмарбекұлына арналған кітап жарық көрді

2020 жылғы 15 қаңтар 17:23
Бөлісіңіз:
Мәскеуде Қайдар Құмарбекұлына арналған кітап жарық көрді

МӘСКЕУ. ҚазАқпарат – Мәскеуде «Қазақ тілі» қоғамдық ұйымының негізін қалаушылардың бірі Қайдар Құмарбекұлына арналған кітап жарық көрді. Бұл туралы ҚазАқпарат Дүниежүзі қазақтары қауымдастығының баспасөз қызметіне сілтеме жасап хабарлайды.

Ұқсас жаңалықтар
Биыл Атырау облысына 50-ге жуық этникалық қазақ көшіп келген

Дүниежүзі қазақтары қауымдастығының қолдауымен таралымға шыққан аталмыш кітап Мәскеу өңірлік «Қазақ тілі» қоғамы, Мәскеу қалалық қазақ ұлттық-мәдени автономиясы және Мәскеу өңірлік «Мұрагер» қоғамы секілді қоғамдық құрылымдардың тікелей қаржылық қолдауымен жарыққа шығып отыр.

Қазақстанның құрметті журналисі, филология ғылымдарының докторы, дипломат Серікқали Байменше бұл кітапты жинақтаушы болды.

Жастық шағы мен азаматтық ең белсенді жылдарын Ресейде өткізген Қайдар Құмарбекұлы Қазақстан мен РФ арасындағы ынтымақтастықты нығайтуға, Ресейдегі қазақ диаспорасының басын қосуға, халықтардың дәстүрлі достық байланыстарын дамытуға елеулі үлес қосқан.

Бұл кітапқа кезінде Нұртай Әбіқаев пен Зауытбек Тұрысбеков және Қазақстанның еңбек сіңірген қайраткері, ҚР Мемлекеттік сыйлығының лауреаты Сабит Досанов сынды ел ағалары пікір білдірген.

«Елінің жетістігі мен жақсылығына қуана білетін, қолынан келгенше қазақ ұлтының қадір-қасиетін, өнері мен мәдениетін өз ортасында кеңінен насихаттап жүрген зерттеуші-ғалымдардың бірі - Қайдар Құмарбеков болып еді. Ол Мәскеуде «Мұрагер», «Қазақ тілі» қоғамдық ұйымдарының негізін салушылардың бірі болып, ұлттық мәдениетті, әдет-ғұрыпты жас ұрпақ зердесіне жеткізу жолында сөзімен де, ісімен де үлесін қосқан ақсақал болатын... Мәскеу қазақтарының, басқа да ұлт өкілдерінің Қайдар ағаны өзгеше жақсы көретініне көзім жетті. Соның бір дәлелі –осы кітаптың жарық көруі», - дейді Дүниежүзі қазақтарының қауымдастығы төрағасының орынбасары Арғын Оспанов.

Айта кетсек, Дүниежүзі қазақтарының қауымдастығы 1992 жылы қыркүйекте өткен Дүниежүзі қазақтарының құрылтайында құрылған. Негізгі мақсаты - Қазақстаннан тысқары жерлерде тұрып жатқан ағайынмен, олардың ұлттық-мәдени орталықтарымен жан-жақты, тығыз байланыс орнату.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT