Маска тағу режимі қызыл аймаққа ауысқан кезде ғана енгізіледі - ДСМ

НҰР-СҰЛТАН. ҚазАқпарат – Бүгінгі таңда Қазақстанда коронавирус инфекциясының алдын алу бойынша санитариялық-эпидемияға қарсы және санитариялық-профилактикалық іс-шараларды жүргізу жөнінде 10 қаулы бар, оның ішінде 6 негізгі қаулы және 4 негізгі қаулыға өзгерістер енгізу. Бұл туралы ҚазАқпарат Санитариялық-эпидемиологиялық бақылау комитетіне сілтеме жасап хабарлайды.

Осы қаулылардың біріне сәйкес, маска режиміне, әлеуметтік қашықтыққа және күнделікті «кіру» сүзгісін жүргізуге қойылатын талаптар, «Ashyq» қосымшасын пайдалану, кабинеттік оқыту жүйесін жою, сондай-ақ көпшілік іс-шараларды өткізуге тыйым салу өңір «қызыл» аймаққа (жоғары эпидемиологиялық тәуекел) ауысқан кезде ғана енгізілетін болады.