+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Мас күйде ұсталған жүргізушілердің барлығы 15 тәулікке қамалады - министрлік

2021 жылғы 7 маусым 12:43
Бөлісіңіз:
Мас күйде ұсталған жүргізушілердің барлығы 15 тәулікке қамалады - министрлік

НҰР-СҰЛТАН. ҚазАқпарат – Биыл мас жүргізушілердің кесірінен 31 адам қаза тапты. Бұл туралы ҚР ІІМ Әкімшілік полиция комитетінің басқарма бастығы Асқар Тәженов мәлім етті, деп хабарлайды ҚазАқпарат тілшісі.

«2019 жылы Мемлекет басшысы көлік құралын мас күйде басқарғаны үшін жауапкершілікті күшейту туралы тапсырма берді. Тиісті заң 2020 жылдың 11 қаңтарында күшіне енді. Толықтай алғанда, қабылданған заң ережелерімен мас күйде көлік жүргізгені үшін әкімшілік және қылмыстық жауапкершілік күшейтілді. Осы жылдың 5 айында республика жолдарында мас күйдегі жүргізушілердің кінәсінен 149 жол-көлік оқиғасы тіркелді. 208 адам жарақаттанып, 31 адам қаза тапты», - деді ол.

Оның атап өтуінше, бүгінде елімізде көлік құралын жүргізу құқығынан айыру мерзімі айтарлықтай ұзартылды. Мәселен, бұған дейін көлікті мас күйде жүргізген азамат бірінші рет ұсталғанда 3 жылға көлік басқару құқығынан айырылатын. Ендігі уақытта бұл мерзім 7 жылға ұзартылды. Бұған қоса әкімшілік тұтқынға алу енгізілді.

«Ендігі уақытта мас жүргізуші алғаш рет ұсталса да көлік жүргізу құқығынан айырылып қана қоймай, 15 тәулікке әкімшілік қамауға алынады», - деді Асқар Тәженов.


Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT