Марокко құрамасының ойыншылары 25 млн еуро сыйақыны қайырымдылық мақсатына жұмсамақ
Журналист Халид Бейдунның жазуынша, футболшылар сыйақыны түгелдей елдегі кедей балалар мен отбасыларға бермек.
Валид Реграри жаттықтыратын Марокко құрамасының әлем біріншілігінің жартылай финалына дейін жеткен алғашқы Африка және араб елі атанғаны белгілі.
Топтық бәсекеде Хорватия, Бельгия және Канаданы артқа тастаған Марокко 1/8 финалда пенальти сериясында Испанияны жолдан тайдырды. Ширек финалда Португалиядан 1:0 есебімен басым түсті. Тек жартылай финалда Францияға, қола жүлде үшін бәсекеде Хорватияға есе жіберді.
Осындай табысқа қол жеткізген марокколықтарды мыңдаған жанкүйерлер ұлттық батыр ретінде қарсы алды.
Ел астанасы Рабат көшесіндегі шеруден кейін футболшыларды аналарымен бірге Марокко королі Мохаммед VI қабылдап, құрмет көрсетті.
Еске сала кетейік, бұдан бұрын Қазақстан ұлттық құрамасының ФИФА рейтингісіндегі орны анықталғанын жазған болатынбыз.
Сондай-ақ Роналду «Аль-Наср» клубымен ұзақ мерзімді келісімшарт жасады.
Футболдан әлем чемпионатына қатысқан құрамалардың қанша сыйақы алатыны белгілі болды.
Фото: www.championat.com