+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Маңғыстаулық шеберлер қолөнер бұйымдарының ерекше үлгісін жасайды

2020 жылғы 31 қазан 09:31
Бөлісіңіз:
Маңғыстаулық шеберлер қолөнер бұйымдарының ерекше үлгісін жасайды

АҚТАУ. ҚазАқпарат - Маңғыстау облысының Үштаған ауылында тұратын ерлі-зайыптылар қолөнер бұйымдарының ерекше үлгісін жасауда, деп хабарлайды ҚазАқпарат тілшісі.

Ұқсас жаңалықтар
Болгарияда Абай мен әл-Фарабидің құрметіне мерейтойлық пошта маркалары шығарылды Сан-Францисконың бас кітапханасында қазақ әдебиеті бөлімі ашылды Айдар Баталов: Пандемия қазақстандық киноөндірушілердің жұмысына кедергі болған жоқ

Ауыл тұрғындары Мусахан Егізбаев пен Елейхан Егізбаева жастарға қолөнер бұйымдарын жасаудың жолын үйретіп жүр. Ескірген жабдықтарды жаңартып, өрмек тоқу мен көрпе тігу жұмысына қыз-келіндері мен немере-жиендері де қолғабыс етеді. Бірі ұршық иірсе, бірі тоқыма тоқиды, енді бірі киіз басу үшін жүн сабайды.

«Малдың терісінен төсеніш дайындау үшін, алдымен теріні дайындап аламыз. Әуелі сойылған малдың терісін тұздап алу қажет. Содан соң кептіреді. Кейін ыстық су және айранмен жуып лас терісін алып, иісін кетіреміз. Кеуіп, жұп-жұмсақ тері дайын болғанда пайдаланады. Малдың терісі, жүні, сүйегі, ішегі бәрі пайдаға асады. Терісінен кезінде тымақ, ішік пішетінбіз. Қазір жұмсақ, адам ағзасына пайдалы теріні балаларға жылылыққа төсеймін. Бұдан бөлек түйе жүнінен көрпе тігіп, қойдың жүнінен киіз басамыз. Жүнді тазалап жуып, жіп етіп шұлық, жемпір, ешкі жүнінен түбіт орамал тоқимыз. Кезінде ішегін домбыраға ішекке пайдаланатынбыз. Қазір бұл құндылықтарды үйренуге ниетті жастар аз. Осындай қолдан жасалатын табиғи дәстүрлі қолөнер бұйымдарын кейінгі ұрпаққа үйрету мақсатымыз»,- дейді Елейхан Егізбаева.

Ал, отағасы Мұсахан Егізбаев қамшы өріп, сүйектен сабын жасайды.

«Алдымен, түйенің терісін тұздап, тазартып, айранмен илеп, пайдаға асатындай жұмсарған соң алты, сегіз тіпті он екі өрімге қарай тілінеді. Жыңғыл ағашын жонып бес тұтам етіп дайындап, төрт тұтам басына теріден қамшы етіп өреді де тарамыспен тігеді. Тарамыс дегеніміз - ірі қараның сіңірінен алынған берік жіп. Тарамыс әзірлеу үшін күзде соғымға сойылған ірі қараның желке, жіліншік сіңірлерін етсіз сылып алу керек. Сылынған сіңірлерді көлеңкеге іліп қойып, бабымен кептіреді. Әбден кепкен тарамысты балғамен жұмсартады. Қамшы секілді теріден жасалатын бұйымдарды осы тарамыспен тігеді. Ал, малдың сүйегін әбден қайнатып сабын дайындайды. Сүйек майы толық қайнаған соң сүйекті алып тастап, итсигек шөбін қосып қоюланғанша қайнатып әр түрлі қалыппен сабын жасауға болады»,- деді Мусахан Егізбаев.


Біздің каналымызға жазылыңыз:

Бөлісіңіз:

Автор:

Қаракөз Марат

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT