+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Маңғыстаулық балалар нейрохирургі 200-ден аса ота жасаған

2019 жылғы 14 маусым 19:40
Бөлісіңіз:
Маңғыстаулық балалар нейрохирургі 200-ден аса ота жасаған

АҚТАУ. ҚазАқпарат - Маңғыстау облысының балалар нейрохирургі Ербол Кенжевалов талайдың алғысын арқалаған дәрігердің бірі. Ол 9 жылдың ішінде шамамен 10 мыңнан астам балаға медициналық көмек көрсеткен. Оның 200-ге жуығына ота жасады,-деп хабарлайды Қазақпарат тілшісі.

Облыстағы жалғыз нейрохирург балалар ауруханасында жұмыс істейді. Оған қоса, перинаталдық орталықтарда жаңа туған сәбилерді емдейді. Ал, шалғайдағы ауылдардан шақырту келсе, санитарлық авиациямен ұшып барады.

«Аптасына 2-3 шақырту болады. Бейнеу, Жаңаөзен және т.б аудандарға барып, ота жасайтын кезім болады. Шақыртулар күндіз-түнге қарамайды. Негізгі жұмыс арасында да кете береміз. Көбінесе балалар арасында биіктен құлау, көлік соғу сияқты жағдайлар тіркеледі. Аяқ астынан алған жарақаттар үшін баруға тура келеді. Себебі, дереу алғашқы көмек көрсетіп, зардап шегушінің жағдайын жақсарту - парызым», - дейді балалар нейрохирургі Ербол Кенжевалов.

null

Дәрігер балалар арасында белең алған миға су жиналу, қабыну, туа бітті жұлын ақаулары сияқты күрделі ауруларды ота арқылы емдейтін тәжірибелі маман. Күнделікті жұмысы қарбаласпен өтетін дәрігер осы мамандықты таңдағанына еш өкінбейтінін айтады. Керісінше, заман талабына сай, медицинадағы жаңа технологияны меңгеріп, тағы да біраз науқастарды аяққа тұрғызатынына сенімді.


null

Біздің каналымызға жазылыңыз:

Бөлісіңіз:

Автор:

Ләйлім Әлім

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT