Маңғыстаудағы медициналық мекемелер 117 қызметкермен толығады
Бұл туралы Өңірлік коммуникациялар қызметі алаңында өткен брифинг барысында Маңғыстау облысының денсаулық сақтау басқармасының мамандары мәлімдеді.
2019 жылдың 6 ай қорытындысымен емдеу сауықтыру мекемелерінің ақпараты бойынша Маңғыстау облысына 250-ге жуық дәрігер мамандары қажет. Қалалық жерге 127 дәрігер, ауылдық жерге 123 дәрігер жетіспейді.
Ауылдық жерге оның ішінде:
- Мұнайлы орталық аудандық бойынша – 18;
- Түпқараған орталық аудандық ауруханасы бойынша – 4;
- Маңғыстау орталық аудандық ауруханасына – 2;
- Қарақия орталық аудандық ауруханасына – 7;
- Жетібай ауылдық ауруханасына – 9;
- Бейнеу орталық аудандық ауруханасына – 13;
- Боранқұл ауылдық ауруханасына – 1,
- Жаңаөзен қаласы бойынша – 69 маман жетіспейді.
Қазіргі таңда Маңғыстау өңіріне аса қажет мамандар — жалпы тәжірибелі дәрігерлер, кардиологтар, нейрохирургтар, акушер–гинекологтар, анестезиолог-реаниматологтар, неонатологтар, онкологтар, клиникалық фармакологтар, инфекционистер, сәулелі диагностикалық дәрігерлер, физиотерапевттер, психиаторлар (наркологтар), офтольмологтар, отоларингологтар.
Осы проблемаларды жою мақсатында емдеу сауықтыру мекеме басшылары 2019 жылы 7 жоғары оқу орындарының бос орын жәрмеңкесіне барып, 84 жас маманмен шарт жасасып келді.