04:09, 20 Маусым 2018 | GMT +6
Маңғыстауда жол апатынан 2 адам қаза болды
АҚТАУ. ҚазАқпарат - Екі адамның өмірін қиған Ақтау-Жаңаөзен тасжолындағы апат бойынша қылмыстық іс қозғалды, деп хабарлайды ҚазАқпарат тілшісі.
Маңғыстау облыстық Ішкі істер департаментінен мәлім еткендей, 16 маусым күні Ақтау-Жаңаөзен трассасында «Toyota Land Cruiser» автокөлігі мен «Camc Hn3250g6d» жүк көлігі соқтығысқан. Апат салдарынан 2 адам қаза болды.
«Аталған дерек бойынша ҚР ҚК-нің 345-бабы 4-бөлігі бойынша қылмыстық іс қозғалды. Қарақия аудандық ІІБ-нің сотқа дейінгі тергеп-тексерудің бірыңғай тізіліміне тіркелді. Тергеу амалдары жүргізілуде», - деді ІІД-ден.