Маңғыстауда жол апаттарынан 83 адам көз жұмды

АҚТАУ. ҚазАқпарат - Маңғыстау облысында жаңажылдық мереке күндері 12 жол-көлік апаты болып, салдарынан 26 адам зардап шекті. Бұл туралы Жол патрульдік полициясы қызметін ұйымдастыру бөлімінің басшысы Біржан Жұмабаев Өңірлік коммуникациялар қызметінде өткен брифингте мәлім етті, деп xабарлайды ҚазАқпарат тілшісі.

«30 желтоқсан мен 2 қаңтар аралығында 12 жол-көлік оқиғасы болды. Зардап шеккендер саны 26 болғанымен, қайтыс болғандар тіркелген жоқ», - деді Біржан Жұмабаев.

Жалпы 2018 жылы аймақта 320 жол апаты орын алған. 83 адам қайтыс болып, 404 адам жарақат алған. 2017 жылмен салыстырғанда көлік апаттарының саны азайды (328 оқиға болды).