+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Маңғыстауда түйелер белгісіз кесел жұқтырды

2019 жылғы 27 желтоқсан 03:42
Бөлісіңіз:
Маңғыстауда түйелер белгісіз кесел жұқтырды

АҚТАУ. ҚазАқпарат - Маңғыстауда белгісіз індет жұқтырған түйелерден алынған сынамалар 3 тәуелсіз ветеринариялық ғылыми-зерттеу институтына жолданды, деп хабарлайды ҚазАқпарат тілшісі. Бұл туралы өңірлік коммуникация қызметінде өткен брифинг барысында облыс әкімінің орынбасары Бақытжан Қашақов мәлім етті.

Ұқсас жаңалықтар

2019 жылдың күз айларынан бері облыста әзірге белгісіз індетпен 1139 түйе ауырған, 1112 түйені емдеген. Түйенің белгісіз індеті Ақтау қаласы мен Бейнеу ауданынан басқа жерлерде белең алған.

Айта кетейік, ірі қараның өлгені тіркелген жоқ.

«Жұқпалы аурудан түйенің ауыз қуысы, еріндері мен мұрны қабынып, шөп жеуі, су ішуі қиындаға. Антибиотиктермен уақтылы емделген түйелер 1 аптаның ішінде толықтай сауығып кетеді» - дейді ҚР Ауыл шаруашылығы министрлігі ветеринариялық бақылау және қадағалау комитетінің Маңғыстау облыстық аумақтық инспекциясының басшысы Қуанышкерей Мырзатов.

Жұқпалы індетттің диагнозы ветеринариялық диагностикалық зертхананың қорытындысы негізінде ғана белгілі болады. Ауыл шаруашылығы министрлігіне қарасы диагностикалық орталыққа барлығы 70 түйеден сынамалар алынып, тексеруден өткізілген. Облысқа 3 рет орталықтың эксперт мамандары шақыртылып, мониторинг жүргізілген.

Диагностикалық мекемелердің қорытындыларына сәйкес, зерттелген түйелерде аса қауіпті аурулар анықталмаған.

Желтоқсан айының басында 12 түйеден алынған материалдар еліміздің 3 түрлі тәуелсіз ветеринариялық ғылыми-зерттеу институттарына жолданған. Вирусологиялық зерттеулер қорытындысы әзірге шыққан жоқ.

Егер аса қауіпті кесел анықталатын болса, ҚР ветеринария саласындағы заңнамаларына сәйкес, оны жою жұмыстары жүргізілетін болады.


Біздің каналымызға жазылыңыз:

Бөлісіңіз:

Автор:

Ләйлім Әлім

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT