Маңғыстауда такси жүргізушісі жолаушыны тонап кеткен

None
None
АҚТАУ. ҚазАқпарат - Маңғыстауда 2 тонау оқиғасы ізі суымай ашылды, деп хабарлайды ҚазАқпарат тілшісі.

Наурыздың 9-нан 10-на қараған түні такси жүргізушісі және оның ағасы жолда тұрған жолаушыны көліктеріне мінгізіп алған. Арам пиғылдылар көлікке мінген азаматты діттеген жеріне жеткізудің орнына, Өмірзақ ауылына апарып қалтасындағы 30 мың теңге мен "Тайота Прада" көлігінің кілтін тартып алған. Дәл сол түні Ақтау полиция басқармасының кезекші бөліміне тағы да қоңырау шалынады. Белгісіз көлік жүргізушісі бір азаматты "Грин парк" құрылысына апарып, 150 мың теңге және бағалы заттарын күштеп алған. Жедел алдын алу шарасы барысында полиция қызметкерлері қылмысты ізін суытпай ашты. Күдіктілер уақытша ұстау оқшаулағышына қамалып, айғақты заттар тәркіленіп алынды. Сотқа дейінгі тергеу жүргізілуде.

Соңғы жаңалықтар