+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Маңғыстауда мектеп директорлары кең кабинеттерін босатып жатыр

2019 жылғы 16 наурыз 05:35
Бөлісіңіз:
Маңғыстауда мектеп директорлары кең кабинеттерін босатып жатыр

АҚТАУ. ҚазАқпарат - Ақтау қаласындағы №21, №29 және Жаңаөзен қаласындағы №9 мектеп директорлары шағын қызметтік бөлмелерге ауысты, деп xабарлайды ҚазАқпарат тілшісі.

ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің хабарлауынша, «Маңғыстау - адалдық алаңы» жобалық кеңсесі қызметкерлері және арнайы мониторингтік топ мүшелерінің қатысуымен аймақтағы 141 мектеп әкімшіліктерінің 75-нің қызметтік бөлмелеріне мониторинг жасалды.

Нәтижесінде Ақтау қаласындағы №21, №29 және Жаңаөзен қаласындағы №9 мектеп директорлары шағын қызметтік бөлмелерге көшірілді.

Мысалы, Ақтау қаласындағы №21 орта мектеп директорының қызметтік бөлмесі - 47 шаршы метр, ал қабылдау бөлмесі - 13 шаршы метр екендігі анықталып, бірінші қабаттағы шағын бөлмеге көшірілді. Босаған бөлме балаларды қосымша оқытуға берілді. Сондай-ақ аталған мектеп директорының қызметтік бөлмесін жаз маусымында жүретін күрделі жөндеу кезінде «Open space» технологиясы бойынша жабдықтау жоспарлануда.

Ал Жаңаөзен қаласында - 5, Мұнайлы ауданында - 12, Бейнеу ауданында - 8, Ақтау қаласында 4 мектепте (№17, 21, 23, 29) олардың директорларының қызметтік бөлмелері бойынша артық алаңдар анықталып, қызметтік бөлмелер шағын кабинетке көшіріліп, босаған бөлмелер оқушылардың шығармашылығына, қосымша оқыту, т.б. мақсаттарға арналып жасақталуда.

Агенттіктің аумақтық департаментінің сыбайлас жемқорлық профилактикасы басқармасының бас маманы Нұргүл Мұқатайдың айтуынша, жаңа формациядағы мемлекеттік қызметшінің алдында мемлекет пен қоғам арасын мейлінше жақындату міндеті тұр. Осы мақсатта мемлекеттік қызметшілермен қатар мектеп, аурухана, емхана, колледж, балабақшалар мен басқа да мекемелердің басшылары халыққа жақын болу мақсатында, мемлекетке шығын келтіретін кең кабинеттерден бас тартып, бірінші қабатқа орналасқан шағын бөлмелерге көшуде.

«Елбасымыз Нұрсұлтан Назарбаев өзінің Қазақстан халқына жолдауында тиімсіз болып келетін бюджеттік шығындарды оңтайландыру туралы атап көрсеткені баршамызға мәлім. Жолдаудан туындаған тапсырмаларды орындау мақсатында 2018 жылдың ІV тоқсанында мемлекеттік органдардың пайдаланып отырған алаңдарына мониторинг жүргізіліп, артық алаңдар оңтайландырылған болатын», - дейді ол.

Бюджет қаражатын тиімді пайдалану, мекеме басшыларының азаматтар үшін қолжетімділігін арттыру мақсатында «Маңғыстау - адалдық алаңы» жобалық кеңсесі қызметкерлері мен арнайы мониторингілік топ мүшелерінің қатысуымен алдағы уақытта өзге де мекемелерге мониторинг жасау жоспарланған. Босаған кабинеттер қосымша білім беру, факультативтік оқыту және т.б. мақсаттарға пайдаланылмақ.

Біздің каналымызға жазылыңыз:

Бөлісіңіз:

Автор:

Ләйлім Әлім

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT