Маңғыстауда құрылысы жүріп жатқан үйде жарылыс болды

АҚТАУ. ҚазАқпарат - Маңғыстауда құрылысы жүріп жатқан үйде жарылыс болып, екі адам зардап шекті, деп хабарлайды ҚазАқпарат tumba.kz сайтына сілтеме жасап.

Ұқсас жаңалықтар

Алматыда баланы ұрған күтушіге қатысты іс қозғалды

ШҚО-да екі қойшы боранда адасып кетті Дархан Базарбаевтың отбасына қажетті көмек көрсетіледі - министр Теңіз кен орнында жерасты дүмпуі сезілді

Зардап шеккендердің бірі, 20 жастағы жігіт ауруханаға түсті, оның жағдайы ауыр, деп хабарлады Маңғыстау облыстық денсаулық сақтау басқармасынан.

Оқиға 6 қазанда таң ата сағат 09-00-дер шамасында Бейнеу ауданының Бейнеу ауылында болған. Онда жалпы аумағы 300 шаршы метр болатын құрылыс аумағында газ жарылып, салынып жатқан нысан бұзылған.

Зардап шеккендердің біреуін, 20 жастағы жігітті Бейнеу аудандық ауруханасына жедел жәрдем қызметі жеткізген. Оған алғашқы медициналық көмек көрсетіліп, қазіргі таңда ол жансақтау бөлімінде жатыр.

Зардап шеккен екінші азамат, 44 жастағы ер адам жабық бас-ми жарақатымен және өзге де дене жарақаттарымен ауруханаға жеткізілді. Сондай-ақ оның миы шайқалғандығы анықталды.

Болған жайдың мән-жайы анықталуда.