+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Маңғыстауда қоғамдық көлікте жолақы қымбаттады

2018 жылғы 6 маусым 17:48
Бөлісіңіз:
Маңғыстауда қоғамдық көлікте жолақы қымбаттады

АСТАНА. ҚазАқпарат - Маңғыстау облысында қоғамдық көліктерде жолақы құны көтерілді. 13 бағыт бойынша жүретін маршрут тарифі 10 теңгеден 150 теңге аралығында өсті, деп хабарлайды ҚазАқпарат тілшісі облыс әкімдігінің баспасөз қызметіне сілтеме жасап.

Бағаның өсуі облысішілік тұрақты жолаушы тасымалы маршруттарына қызмет көрсетуші 8 мекемеден жолақы құнын көтеру жөнінде келіп түскен өтініш бойынша іске асып отыр.

«Тасымалдаушылардан жолақы құнын көтеру жөніндегі өтініштердің түсу себебі: бүгінгі нарықтағы жанар-жағармай бағасының тұрақсыз өсуі, қосалқы бөлшектер мен сервистік қызмет көрсетудің қымбаттауы, жаңа автокөлік бағасының, автостанциялардағы жалдау ақысының өсуі және соның салдарынан тасымалдаушылардың жүріс шығындарының ақталмауы болып отыр», - дейді облыстық жолаушылар көлігі және автомобиль жолдары басқармасының басшысы Әліби Көшербаев.

Тасымалдаушылардан түскен өтініштердің негізінде Облыстық жолаушылар көлігі және автомобиль жолдары басқармасы Тұрақты ауданаралық (қалааралық, облысішілік) қатынастары тарифтері жөніндегі арнайы Комиссия құрылған.

Комиссия мүшелері облысішілік тұрақты жолаушы тасымалы маршруттарына қызмет көрсетуші 8 тасымалдаушының жолақы құнын көтеру жөніндегі өтініштері мен анықтамаларын, тариф есептері мен негіздемелерін өткізілген комиссия отырыстарында тиісті деңгейде қарап, зерттеген.

«Ортақ дауыс беру нәтижесінде комиссия құрамының жартысынан көп бөлігі (75%) тұрақты жолаушы тасымалы маршруттарының тариф құнын көтеруді қолдады», - дейді Әліби Көшербаев.

Билет құнындағы өзгерістер облыстық мәслихаттың шешімімен, облыс әкімдігінің қаулысымен бекітілді. Атап айтқанда, "Ақтау-Жаңаөзен" бағыты 590 теңгеден 750 теңгеге, «Ақтау-Шетпе» бағыты 580 теңгеден 750 теңгеге өскен.

Өзгерістер төмендегі кестеде көрсетілген.


null

Біздің каналымызға жазылыңыз:

Бөлісіңіз:

Автор:

Ләйлім Әлім

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT