Маңғыстауда қанша шақырымға жуық жол ақылы болады
«ҚазАвтоЖол» ҰҚ» АҚ Маңғыстау облыстық филиалының директоры Айбек Әнуарбеков айтуынша, жалпы ұзындығы 661 шақырым автомобиль жолдары ақылы болады. Олар республикалық маңыздағы «Атырау-Доссор-Бейнеу-Ақжігіт-Өзбекстан Республикасы шекарасы» және «Бейнеу-Ақтау» автожолы. «Атырау-Доссор-Бейнеу-Ақжігіт-Өзбекстан Республикасы шекарасы» автожолының Маңғыстау облысы бойынша ұзындығы 207 шақырым.
«Бүгінде «Бейнеу-Ақжігіт-Өзбекстан Республикасының шекарасы» автомобиль жолына қайта жаңарту жұмыстары жүргізіліп, өткен жылдың аяғында пайдалануға берілген болатын. Қазіргі уақытта «Атырау-Доссор-Бейнеу-Ақжігіт-Өзбекстан Республикасы шекарасы» учаскесінде 3 бақылау аркасы орнатылған және клиенттермен жұмыс істеудің 1 орталығы қарастырылған. Олар ақылы түрде Боранқұл, Есет, Сарға, Бейнеу, Сыңғырлау, Ақжігіт, Тәжен, Төлеп, Сайөтес, Боздақ, Жармыш, Шетпе, Бекі, Жетібай, Мұнайшы елді мекендері арқылы өтеді. Қазіргі таңда Бейнеу-Ақтау учаскесінде 6 бақылау аркасы орнатылған және клиенттермен жұмыс істеудің 1 орталығы қарастырылған»,-деді «ҚазАвтоЖол» ҰҚ» АҚ МОФ директоры Айбек Аманжолов.