Маңғыстауда Бозжыра шатқалына дейін жол салынбайтын болды

АҚТАУ. ҚазАқпарат – Маңғыстауда Бозжыра шатқалына дейін жол салынбайтын болды. Өйткені жобаға бюджеттен қаржы бөлінбеген. Бұл туралы Қарақия аудандық әкімдігінен мәлім етті, деп хабарлайды ҚазАқпарат тілшісі.

Биыл Бозжыраға дейін ұзындығы 35 шақырымдық жол салу жоспарланған еді. Жобалық-сметалық құжатын әзірлеуге 14 миллион теңге қарастырылған.

«Жол құрылысы белгісіз мерзімге кейінге қалдырылды. Өйткені бюджеттен аталған жол құрылысына қаражат бөлінбеген» делінген мәліметте.

Бұл ақпаратты Маңғыстау облыстық жолаушылар көлігі және автомобиль жолдары басқармасы растады.