Маңғыстауда әскери қызметші өз-өзіне қол жұмсады

АСТАНА. ҚазАқпарат - Ақтау қаласындағы әскери бөлімдердің бірінде әскери қызметші өзіне қол жұмсады, деп хабарлайды ҚазАқпарат ҚР Қорғаныс министрлігіне сілтеме жасап.

«Маңғыстау облысының Ақтау қаласындағы әскери бөлімдердің бірінде келісімшарт бойынша жұмыс істеп жүрген әскери қызметші 2-сатылы старшина Н.Қ. Ерназаров өз-өзіне қол жұмсады. Қылмыстық іс қозғалды. Оқиға орнында ҚР ІІМ әскери-тергеу басқармасы, әскери прокуратура және әскери полиция қызметкерлерінен құралған жедел-тергеу тобы жұмыс істеп жатыр. Өзіне қол салудың мән-жайы анықталуда», - делінген ҚР Қорғаныс министрлігінің хабарламасында.  

Алдын ала деректер бойынша, өз-өзіне қол жұмсау себептері әскери қызметпен байланысты емес. Қосымша ақпарат тергеп-тексеру шаралары аяқталған соң хабарланады.