Маңғыстауда 19 жастағы жігіт суға кетті

АҚТАУ. ҚазАқпарат - Маңғыстауда құтқарушылар суға батып кеткен 19 жастағы жігіттің денесін іздестіріп жатыр, деп хабарлайды ҚазАқпарат тілшісі.

Қайғылы оқиға 28 шілде күні Түпқараған ауданы, Сайын Шапағатов ауылындағы теңіз жағалауында болған. Бұл туралы МО Төтенше жағдайлар департаментінің жедел-құтқару жасағы хабарлады.

«Кешеден бері 2000 жылы туған жігітті іздестіру жұмыстары жүріп жатыр. Бұл жұмыстар бүгін де жалғасты» делінген хабарламада.